 |
(vovworld)- ອົງການອະນາໄມໂລກ (WHO) ກ່າວເຕືອນວ່າ: ໄວຣັດ Zika ອາດຈະເກີດຂຶ້ນຄືນໃຫມ່ຢູ່ບັນດາປະເທດ ອາຊີ -ປາຊີຟີກ ໃນສະພາບການສອງປະເທດ ອາຊີຕາເວັນອອກຄື: ສິງກະໂປ ແລະ ໄທ ໄດ້ຮັບຮູ້ວ່າມີຮ້ອຍໆຄົນຖືກຕິດໄວຣັດ Zika. ໃນບົດລາຍງານປະຈຳປີຂອງພາກພື້ນທີ່ປະກາດເມື່ອວັນທີ10/10 ຢູ່ ນະຄອນຫລວງ ມານີລາ ຂອງຟິລີບປີນ, WHO ເນັ້ນຫນັກວ່າ: ໃນຍອດຈຳນວນ 70 ປະເທດໃນໂລກ, ມີຢ່າງຫນ້ອຍສຸດ 19 ປະເທດຢູ່ພາກພື້ນ ອາຊີ ປາຊີຟີກ ໄດ້ຮັບຮູ້ວ່າມີບັນດາກໍລະນີຕິດໄວຣັດ Zika. ຕໍ່ຫນ້າສະພາບການດັ່ງກ່າວ, ທ່ານ Li Ailan ຜູ້ອຳນວຍການ WHO ຮັບຜິດຊອບສະພາວະສຸກເສີນ ແລະ ຄວາມໝັ້ນຄົງດ້ານສາທາລະນະສຸກ ໄດ້ກ່າວເຕືອນວ່າ ໄວຣັດ Zika ອາດຈະແຜ່ລາມອອກສູ່ງວົງກວ້າງໃນທົ່ວພາກພື້ນ, ລວມມີບັນດາປະເທດຄື: ຈີນ, ຍີ່ປຸ່ນ, ອົດສະຕາລີ ແລະ ສ່ວນຫລາຍແມ່ນບັນດາປະເທດ ອາຊີຕາເວັນອອກສ່ຽງໃຕ້ ແລະ ບັນດາໝູ່ເກາະ ປາຊີຟີກ. ບົດລາຍງານໃຫ້ຂໍ້ສັງເກດວ່າ ພາກພື້ນນີ້ ຈະສືບຕໍ່ ມີຫລາຍກໍລະນີຕິດໄວຣັດ ໃຫມ່ ຈະເຮັດໃຫ້ເກີດໂລກພະຍາດໃຫມ່. ຕາມການສະຖິຕິຂອງ WHO, ສິງກະໂປ ໄດ້ຮັບຮູ້ມີກວ່າ 400 ກໍລະນີຕິດໄວຣັດ Zika, ໃນຂະນະນັ້ນ ບັນດາປະເທດ ຟີລີບປີນ, ມາເລເຊຍ ແລະຫວຽດນາມ ກໍຮັບຮູ້ມີບັນດາກໍລະນີຕິດ ໄວຣັດດັ່ງກ່າວ.