(vovworld) - ວັນທີ 14/07, ຄະນະພັກແຂວງ ກວາງນິງ ແລະ ສະພາທິດສະດີສູນກາງ ສົມທົບກັນຈັດຕັ້ງການໂອ້ລົມສົນທະນາກ່ຽວກັບບັນດາບັນຫາກຳນົດທິດລັດທິສັງຄົມນິຍົມ ໃນການພັດທະນາເສດຖະກິດການຕະຫຼາດ ໂດຍສະຫຼຸບຈາກຕົວຈິງຢູ່ກວາງນິງ. ທ່ານ ຮອງສາດສະດາຈານ, ດຣ ຫງວຽນວ໋ຽດທົງ, ເລຂາທິການໃຫຍ່ສະພາທິດສະດີສູນກາງ ໄດ້ແນະນຳບົດຫົວເລື່ອງກ່ຽວກັບ “ບາງແງ່ມຸມມີຖືລັກສະນະສຳຄັນພິເສດກ່ຽວກັບການກຳນົດສັງຄົມນິຍົມ ໃນການພັດທະນາເສດຖະກິດການຕະຫຼາດຢູ່ຫວຽດນາມ”. ບົດຫົວເລື່ອງຊີ້ແຈ້ງບັນດາແຜນນະໂຍບາຍ, ທັດສະນະພື້ນຖານຂອງພັກກອມມູນິດຫວຽດນາມ ກ່ຽວກັບການກຳນົດທິດລັດທິສັງຄົມນິຍົມ ໃນການພັດທະນາເສດຖະກິດການຕະຫຼາດຢູ່ຫວຽດນາມ; ຕີລາຄາລວມກ່ຽວກັບສະພາບພັດທະນາເສດຖະກິດການຕະຫຼາດຕາມກຳນົດທິດສັງຄົມນິຍົມພາຍຫຼັງ 27 ປີແຫ່ງການປ່ຽນໃໝ່ ແລະ ບັນດາບັນຫາທີ່ພວມວາງອອກ. ບັນດາຜູ້ແທນໄດ້ສະເໜີບົດປະກອບຄຳເຫັນກ່ຽວກັບສະພາບ, ໝາກຜົນແຫ່ງການພັດທະນາເສດຖະກິດ ແລະ ປະຕິບັດການກຳນົດທິດສັງຄົມນິຍົມໃນການພັດທະນາເສດຖະກິດການຕະຫຼາດຢູ່ກວາງນິງ, ບັນດາກົນໄກນະໂຍບາຍ, ມາດຕະການແກ້ໄຂສະເໜີຕໍ່ສູນກາງ ເພື່ອແນໃສ່ຊຸກຍູ້ເສດຖະກິດການຕະຫຼາດພັດທະນາຢ່າງແຮງ ແລະ ມີປະສິດທິຜົນກວ່າໃນໄລຍະ 2013 – 2015 ແລະ ວິໄສທັດຮອດປີ 2020.
ທ່ານເລຂາຄະນະພັກແຂວງກວາງນິງ ຝ້າມມິນຈິ໋ງ ໃຫ້ຮູ້ວ່າ, ກຳນົດທິດພັດທະນາເສດຖະກິດຂອງກວາງນິງ ໃນຊຸມປີຈະມາເຖິງ ແມ່ນພັດທະນາເສດຖະກິດຂຽວ ຕິດພັນກັບການຫັນປ່ຽນຮູບແບບການເຕີບໂຕຈາກການອີງໃສ່ປັດໃຈພັດທະນາແບບຍັງບໍ່ທັນໝັ້ນຄົງ ໄປສູ່ການພັດທະນາແບບຍືນຍົງ.