ກຳປັ່ນຊາວໜຸ່ມ “ເດີນທາງເພື່ອທະເລ, ເກາະແຫ່ງບ້ານເກີດເມືອງນອນ”
(ພາບ: congan.com.vn)
(vovworld) – ຕອນເຊົ້າວັນທີ 28/05, ມີສະມາຊິກໃນຄະນະ “ເດີນທາງເພື່ອທະເລ, ເກາະແຫ່ງບ້ານເກີດເມືອງນອນ” 198 ຄົນເຊິ່ງແມ່ນບັນດາຜູ້ແທນທີ່ດີເດັ່ນຂອງໄວໜຸ່ມທົ່ວປະເທດ ລວມທັງພະນັກງານ, ທ່ານໝໍ, ນັກທຸລະກິດ, ນັກສິລະປີນ, ນັກຂ່າວ, ນັກສຶກສາ… ໄດ້ຂຶ້ນກຳປັ່ນHQ 571, ເລີ່ມເດີນທາງແຕ່ທ່າກຳປັ່ນ ກ໋າດລ໋າຍ, ນະຄອນໂຮ່ຈິມິນ ເພື່ອໄປເຖິງໝູ່ເກາະເຈື່ອງຊາ. ລາຍການກຳປັ່ນຊາວໜຸ່ມປີ 2014 ໂດຍສູນກາງຊາວໜຸ່ມກອມມູນິດໂຮ່ຈິມິນ ແລະ ກອງບັນຊາການໃຫຍ່ເຫຼົ່າທັບເຮືອຫວຽດນາມ ສົມທົບກັນຈັດຕັ້ງດ້ວຍຫົວຂໍ້ “ໄວໜຸ່ມເພື່ອອະທິປະໄຕທະເລ, ເກາະຫວຽດນາມ”.
ນີ້ແມ່ນຄັ້ງທີ 6 ຢ່າງຕໍ່ເນື່ອງທີ່ປະຕິບັດລາຍການ “ການເດີນທາງຂອງໄວໜຸ່ມເພື່ອທະເລ, ເກາະແຫ່ງບ້ານເກີດເມືອງນອນ” ອັນໄດ້ກາຍເປັນການເຄື່ອນໄຫວທີ່ມີຄວາມໝາຍທາງດ້ານການເມືອງຢ່າງແທດຈິງ ເພື່ອໃຫ້ບັນດາລຸນໜຸ່ມສະແດງນ້ຳໃຈຮັກຊາດ, ສະແດງເຈດຈຳນົງຕັດສິນໃຈໃນການປົກປັກຮັກສາຜືນແຜ່ນດິນອັນຄົບຖ້ວນ ແລະ ອະທິປະໄຕເຂດທະເລ, ໝູ່ເກາະຂອງຫວຽດນາມ ຢ່າງແຮງ . ອ້າຍ ລໍ່ກວາງຕູ໋, ຮອງປະທານສະຫະສະມາຄົມຊາວໜຸ່ມຫວຽດນາມ ຖືວ່າ.
“ການເດີນທາງຄັ້ງນີ້ຍິງມີຄວາມໝາຍກວ່າ ເມື່ອຖືກຈັດຂຶ້ນໃຈຈຸດເວລາທີ່ທັງປະເທດຫວຽດນາມ ພວມສະແດງຄວາມຕັດສິນໃຈປົກປັກຮັກສາອະທິປະໄຕເຂດທະເລ, ເກາະຂອງປະເທດຊາດ, ພິເສດແມ່ນອະທິປະໄຕກ່ຽວກັບໝູ່ເກາະຮ່ວາງຊາ ແລະ ເຈື່ອງຊາ”.
ການເດີນທາງຈະດຳເນີນໄປເປັນເວລາ 10 ວັນ, ໄປຜ່ານບັນດາສະຖານທີ່ໃນໝູ່ເກາະ ເຈື່ອງຊາ ແລະ ເຮືອນຮ້ານ DK1. ຄາດວ່າ, ການເດີນທາງຈະສິ້ນສຸດລົງໃນວັນທີ 06/06/2014 ຢູ່ທ່າກຳປັ່ນ ກ໋າດລ໋າຍ.