(vovworld) – ​ເນື່ອງ​​ໃນ​ໂອກາດ​ສະ​ເຫຼີ​ມສະຫຼອງ 35 ປີ​ “​ແຫ່ງ​ວັນ​ໄຊຊະນະ​ລະບອບ​ດັບ​ສູນ​ເຊື້ອ​ຊາດ​ຢູ່ ກຳປູ​ເຈຍ” (7/1/1979 – 7/1/2014), ພັກ​ປະຊາຊົນ​ກຳປູ​ເຈຍ (CPP) ກຳ​ອຳນາດ​ຈະ​ຈັດ​ຕັ້ງ​ພິທີ​ດ້ວຍ​ຂອບ​ຂະໜາດ​​ໃຫຍ່​ຢ່າງ​ສົມ​ກຽດ. ທ່ານ Cheam Yeap, ກຳມາການ​ຄະນະ​ປະຈຳ​ພັກ CPP, ຫົວໜ້າ​​ກຳມາທິການ​ເສດຖະກິດ, ການ​ເງິນ, ທະນາຄານ ​ແລະ ກວດ​ສອບ​​ຂອງສະພາ​ແຫ່ງ​ຊາດ ກຳປູ​ເຈຍ ​ໃຫ້​ຮູ້​ວ່າ: ​ພິທີ​ສະ​ເຫຼີ​ມສະຫຼອງ​ຄັ້ງ​ນີ້ມີ​ຂະໜາດ​ຄ້າຍຄື​ກັນກັບ​ພິທີ​ສະ​ເຫຼີ​ມສະຫຼອງ 30 ປີ​ແຫ່ງ​ວັນ​ໄຊຊະນະ 7/1/2009. ຄວາມ​ແຕກ​ຕ່າງ​ກັນ​ແມ່ນສະຖານ​ທີ່​ຈັດ​ຕັ້ງ​ຈະ​ຍ້າຍ​ໄປ​ສູ່​ສູນ​ການ​ຄ້າ, ວາງສະ​ແດງ, ບັນ​ເທິງຢູ່​ເກາະ Koh Pich ຫາກບໍ່ແມ່ນຢູ່ສຳນັກງານພັກຄືຊຸມປີກ່ອນ. ຕາມທ່ານ Cheam Yeap ແລ້ວ, ເລື່ອງປ່ຽນສະຖານທີ່ຈັດຕັ້ງ​ແມ່ນເພື່ອແນໃສ່ສ້າງເງື່ອນໄຂໃຫ້ບັນດາຜູ້ແທນ ແລະ ປະຊາຊົນເຂົ້າຮ່ວມ. ນີ້​ກໍ່​ແມ່ນ​ໂອກາດ​ເພື່ອ​ໃຫ້​ລັດຖະບານ ​ແລະ ປະຊາຊົນ ກຳປູ​ເຈຍ ຕອບ​ບຸນ​ແທນ​ຄຸນ​ການ​ຊ່ວຍ​ເຫຼືອ​ຂອງ​ທະຫານອາສາ​ສາ​ໝັກ ຫວຽດນາມ ​ໃນ​ໄຊຊະນະ​ລະບອບ​ດັບ​ສູນ​ເຊື້ອ​ຊາດ Pol Pot.