ເບິ່ງແຍງດູແລຜູ້ອອກແຮງງານຮັບຜົນກະທົບຈາກໂລກລະບາດໂຄວິດ-19 (ພາບ: TTXVN)

ວັນທີ 03 ມີນາ, ສະມາພັນໃຫຍ່ແຮງງານ ຫວຽດນາມ ພ້ອມກັບກອງທຶນແຮງງານສາກົນຍີ່ປຸ່ນ (JILAF) ໄດ້ສົມທົບກັນຈັດກອງປະຊຸມສຳມະນາທາງອອນລາຍແບ່ງປັນບົດຮຽນສາກົນກ່ຽວກັບການ “ຮັບມືຂອງອົງການຈັດຕັ້ງກຳມະບານ ເພື່ອປົກປ້ອງຊາວຜູ້ອອກແຮງງານທີ່ໄດ້ຮັບຜົນກະທົບຈາກໂລກລະບາດໂຄວິດ-19 ໃຫ້ເປັນຢ່າງດີກວ່າ”.

ເມື່ອແບ່ງປັນຕໍ່ຄວາມຫຍຸ້ງຍາກລວມ, ທ່ານ Aihara Yasunobu, ປະທານກອງທຶນແຮງງານສາກົນ ຍີ່ປຸ່ນ ຕີລາຄາສູງວຽກງານປ້ອງກັນ, ຕ້ານໂລກລະບາດໂຄວິດ-19 ຂອງ ຫວຽດນາມ, ການຮັບມືຂອງອົງການຈັດຕັ້ງກຳມະບານ; ພ້ອມທັງເຊື່ອໝັ້ນວ່າ ເລື່ອງແລກປ່ຽນ, ແບ່ງປັນບົດຮຽນລະຫວ່າງບັນດາຝ່າຍຢ່າງເປັນປະຈຳນັ້ນ ຈະຊ່ວຍໃຫ້ວຽກງານຮັບມືຂອງລະບົບກຳມະບານ 2 ປະເທດໃນໄລຍະຈະມາເຖິງບັນລຸໝາກຜົນທີ່ດີກວ່າ, ໂດຍສະເພາະແມ່ນການປົກປ້ອງຊາວຜູ້ອອກແຮງງານຕໍ່ໜ້າຜົນກະທົບຂອງໂລກລະບາດໂຄວິດ-19.

ທີ່ກອງປະຊຸມສຳມະນາ, ບັນດາຜູ້ແທນໄດ້ແບ່ງປັນລາຍການ, ຂໍ້ລິເລີ່ມໜູນຊ່ວຍສະມາຊິກກຳມະບານ, ຊາວຜູ້ອອກແຮງງານທີ່ໄດ້ຮັບຜົນສະທ້ອນຈາກໂລກລະບາດໂຄວິດ-19 ຂອງກຳມະບານ ຫວຽດນາມ, ກຳມະບານ ຍີ່ປຸ່ນ; ໜູນຊ່ວຍຊາວຜູ້ອອກແຮງງານໃນ ແລະ ພາຍຫຼັງໄລຍະເກີດໂລກລະບາດຢູ່ທ້ອງຖິ່ນ.