ກຳລັງຝ່ານຄ້ານສະເໜີໃຫ້ ການຊ່ວຍເຫຼືອມະນຸດສະທຳໃຫ້ປະຊາຊົນ ຊີຣີຢ່າງປອດໄພ.
ຊາວຊີຣີທຳການປະທ້ວງ
(ພາບ: baomoi.com)
Vovworld-ກ່າວຄຳເຫັນກ່ອນດຳເນີນກອງປະຊຸມ“ບັນດາເພື່ອນມິດຂອງຊີຣີ ”ຢູ່ TuyNidi ເມື່ອວັນທີ 24 ກຸມພາ, ທ່ານ Abdullalh Turkamani ເຈົ້າໜ້າສັງກັດສະພາແຫ່ງຊາດ ຊີຣີ ຊຶ່ງແມ່ນກຳລັງຝ່າຍຄ້ານຢູ່ຊີຣີ ໃຫ້ຮູ້ວ່າ : ໃນກອງປະຊຸມຄັ້ງນີ້, ສະພາແຫ່ງຊາດ ຊີຣີ ຈະກະຕຸກຊຸກຍູ້ໃຫ້ວາງອອກບັນດາມາດຕະການຢ່າງ ຮີບດ່ວນເພື່ອສົ່ງເຄື່ອງຊ່ວຍເຫຼືອມະນຸດສະທຳໃຫ້ແກ່ປະຊາຊົນຊີຣີ. ທ່ານຍັງເນັ້ນໜັ້ກເຖິງຄວາມຈຳເປັນຕ້ອງປະກອບອາວຸດໃຫ້ແກ່ກຳລັງກອງທັບ ຊີຣີ ເສລີ ແລະ ຮັບຮູ້ສະພາແຫ່ງຊາດ ຊີຣີ ແມ່ນອົງການຕາງໜ້າຢ່າງຖືກຕ້ອງຕາມກົດໝາຍຂອງຊີຣີ. ທ່ານ Abdullalh Turkamani ຍັງໃຫ້ຮູ້ວ່າ: ສະພາແຫ່ງຊາດ ຊີຣີ ຈະສະເໜີລັດເຊຍເກັ້ຍກອມປະທານາທິບໍດີ ຊີຣີ An At-Xat ອະນຸຍາດສົ່ງເຄື່ອງຊ່ວຍເຫຼືອດ້ວຍຄວາມປອດໄພ, ຫຼີກລ້ຽງສະພາບຈຳເປັນຕ້ອງມີກຳລັງທະຫານປົກປັກຮັກສາເຄື່ອງຊ່ວຍເຫຼືອ. ໃນຂະນະນັ້ນ, ໃນທັນທີ, ທ່ານຮອງເລຂາທິການໃຫຍ່ສະຫະພັນອາຣັບ Ben helli ໄດ້ປະຕິເສດການໜູນຊ່ວຍດ້ານອາວຸດໃຫ້ແກ່ກຳລັງຝ່າຍຄ້ານຢູ່ ຊີຣີ. ທ່ານຖືວ່າ ກອງປະຊຸມຄັ້ງນີ້ ແນໃສ່ສະໜັບສະໜູນແຜນການຂອງບັນດາປະເທດອາຣັບ, ໃນນັ້ນ ມີການຊ່ວຍເຫຼືອມະນຸດສະທຳ ແລະ ຊຸກຍູ້ການເຈລະຈາ ແລະ ເລື່ອງໜູນຊ່ວຍດ້ານອາວຸດໃຫ້ແກ່ກຳລັງຝ່າຍຄ້ານຢູ່ ຊີຣີຍິ່ງເປັນການເຮັດໃຫ້ສະພາບການຂາດສະຖຽນລະພາບຕື່ມອີກ.