ທ່ານປະທານປະເທດ ຫວຽດນາມ ຫງວຽນຊວັນຟຸກ  ປະດັບນາມມະຍົດ (ພາບ: cand.com.vn)

 ຕອນເຊົ້າວັນທີ 04 ສິງຫາ, ຢູ່ຮ່າໂນ້ຍ, ກະຊວງຕຳຫຼວດ ຫວຽດນາມ ໄດ້ຈັດພິທີມອບ - ຮັບນາມມະຍົດວິລະຊົນກຳລັງປະກອບອາວຸດປະຊາຊົນ ໄລຍະປ່ຽນແປງໃໝ່ໃຫ້ແກ່ໜຶ່ງກົມກອງຂອງກຳລັງສືບລາຊະການລັບຕຳຫຼວດປະຊາຊົນ.

        ກ່າວຄຳເຫັນທີ່ພິທີ, ທ່ານປະທານປະເທດ ຫວຽດນາມ ຫງວຽນຊວັນຟຸກ ເນັ້ນໜັກວ່າ ພັກ, ລັດ ຍາມໃດກໍຮັບຮູ້, ຕີລາຄາສູງຕໍ່ວິລະກຳ, ຜົນງານທີ່ດີເດັ່ນຂອງກຳລັງສືບລາຊະການລັບຕຳຫຼວດປະຊາຊົນ. ນາມມະຍົດອັນສູງສົ່ງທີ່ມອບໃຫ້ໃນຄັ້ງນີ້ ແມ່ນການຮັບຮູ້ຂອງພັກ, ລັດ ຕໍ່ຄວາມມານະພະຍາຍາມ, ການອຸທິດສ່ວນບໍ່ຮູ້ອິດບໍ່ຮູ້ເມື່ອຍຂອງກຳລັງສືບຂ່າວຕຳຫຼວດປະຊາຊົນໃນໄລຍະ 76 ປີຜ່ານມາ. ທ່ານປະທານປະເທດ ຫວຽດນາມ ຫງວຽນຊວັນຟຸກ ຮຽກຮ້ອງໃຫ້ກຳລັງດັ່ງກ່າວຍົກສູງຄຸນນະພາບ, ປະສິດທິຜົນຂອງວຽກງານສືບລາຊະການລັບຢ່າງບໍ່ຢຸດຢັ້ງ, ຮັບປະກັນລັກສະນະທັນການ, ຊັດເຈນ; ເພີ່ມທະວີການຄົ້ນຄວ້າ, ຄາດເດົາ ແລະ ເປັນເສນາທິການຍຸດທະສາດໃຫ້ຫຼາຍກວ່າອີກ, ບໍ່ປະໃຫ້ຕົກຢູ່ໃນທ່າຮັບ ຫຼື ບັງເອີນຢ່າງເດັດຂາດ.