(vovworld) – ອົງການສົ່ງເສີມການຄ້າຍີ່ປຸ່ນ (JETRO) ຢູ່ໂຕກຽວ ຫາກໍ່ຈັດກອງປະຊຸມສຳມະນາ ຮຽກຮ້ອງລົງທຶນເຂົ້າຂົງເຂດການບໍລິການຢູ່ 3 ປະເທດ ຫວຽດນາມ, ຟີລິບປີນ ແລະ ອິນໂດເນເຊຍ. ຕະຫຼາດການບໍລິການຫວຽດນາມ, ພິເສດແມ່ນຂົງເຂດດຳເນີນທຸລະກິດສະບຽງອາຫານ ແລະ ພັດຕະຄານໄດ້ຮັບຄວາມເອົາໃຈໃສ່ເປັນພິເສດ ແລະ ຕີລາຄາສູງຈາກບັນດານັກລົງທຶນ. ໄດ້ມີ 4 ໃນຈຳນວນ 6 ກຸ່ມບໍລິສັດ ແລະ ບໍລິສັດດຳເນີນທຸລະກິດໃນຂົງເຂດການບໍລິຫານ ແລະ ບັນດາບໍລິສັດຫວຽດນາມ (ເຊິ່ງລວມມີ ກຸ່ມບໍລິສັດ Vingroup, Golden Gate, ບໍລິສັດໃຫຍ່ການຄ້າ ໄຊ່ງ່ອນ Satra ແລະ Takahiro Food), ໄດ້ເຂົ້າຮ່ວມ ແລະ ມີບົດສະເໜີທີ່ກອງປະຊຸມ. ທີ່ກອງປະຊຸມສຳມະນາ, ຜູ້ຕາງໜ້າບັນດາກຸ່ມບໍລິສັດ, ບໍລິສັດຫວຽດນາມ ໄດ້ແນະນຳທ່າແຮງດຳເນີນທຸລະກິດ, ແງ່ຫວັງຮ່ວມມື ແລະ ສະພາບແວດລ້ອມແຫ່ງການດຳເນີນທຸລະກິດຢູ່ຫວຽດນາມ ເຖິງຄູ່ຮ່ວມມືທີ່ມີຄວາມສາມາດບົມຊ້ອນຍີ່ປຸ່ນ. ບັນດາວິສາຫະກິດຫວຽດນາມ ເຂົ້າຮ່ວມກອງປະຊຸມສຳມະນາຄັ້ງນີ້ ໄດ້ຮັບການຕີລາຄາສູງຈາກ JETRO ວ່າ ແມ່ນບັນດາບໍລິສັດມີຄວາມສະມາດບົມຊ້ອນອັນໃຫຍ່ຫຼວງໃນຂົງເຂດການບໍລິການ, ແຈກຢາຍ ແລະ ດຳເນີນທຸລະກິດດ້ານສະບຽງອາຫານ.
ຢູ່ອາຊີຕາເວັນອອກສ່ຽງໃຕ້, ຫວຽດນາມ ແມ່ນໜຶ່ງໃນບັນດາຕະຫຼາດເຊິ່ງບັນດາວິສາຫະກິດດຳເນີນການບໍລິການຂອງຍີ່ປຸ່ນ ສະຫງວນຄວາມເອົາໃຈໃສ່ອັນໃຫຍ່ຫຼວງ ຍ້ອນມີບັນດາຈຸດທີ່ຄ້າຍຄືກັນດ້ານວັດທະນະທຳ, ເຊື້ອຊາດ ແລະ ຄວາມຕ້ອງການໃຊ້ສອຍ. ບັນດາວິສາຫະກິດດຳເນີນການບໍລິການຂອງຍີ່ປຸ່ນ ກໍ່ຢາກກວມເອົາອັດຕາສ່ວນຫຼາຍຢູ່ຕະຫຼາດຫວຽດນາມ ໃນສະພາບທີ່ບັນດາປະເທດມີການບໍລິການອັນດັບໜຶ່ງໃນໂລກພວມລົງທຶນເຂົ້າຕະຫຼາດດັ່ງກ່າວ.