ທ່ານນາງ Paul Deborah ເອກອັກຄະລັດຖະທູດ ການາດາ ປະຈຳ ຫວຽດນາມ (ພາບ: VOV5)

ວັນທີ 22 ພະຈິກ, ຢູ່ຮ່າໂນ້ຍ, ກະຊວງແຜນການ ແລະ ການລົງທຶນ, ສະຖານທູດ ການາດາ ປະຈຳ ຫວຽດນາມ ແລະ ອົງການ ສປຊ ເພື່ອການພັດທະນາ (UNDP) ສົມທົບກັນປະກາດແຜນການ “ໜູນຊ່ວຍລະບົບຊີວະພາບບັນດາວິສາຫະກິດທີ່ສົ່ງຜົນກະທົບຕໍ່ສັງຄົມຢູ່ ຫວຽດນາມ ຮັບມືກັບໂລກລະບາດໂຄວິດ - 19” ດ້ວຍຍອດລາຍຈ່າຍ 3,1 ລ້ານ CAD (2,44 ລ້ານ USD). ກ່າວຄຳເຫັນທີ່ພິທີປະກາດ, ທ່ານນາງ Paul Deborah ເອກອັກຄະລັດຖະທູດ ການາດາ ປະຈຳ ຫວຽດນາມ ໃຫ້ຮູ້ວ່າ ໂຄງການດັ່ງກ່າວຖືກຈັດຂຶ້ນດ້ວຍຄວາມປາດຖະໜາ ຍົກສູງປະສິດທິຜົນຂອງວິສາຫະກິດທີ່ສົ່ງຜົນກະທົບຕໍ່ສັງຄົມ, ພິເສດແມ່ນບັນດາວິສາຫະກິດໂດຍແມ່ຍິງເປັນຜູ້ນຳ, ເພື່ອແນໃສ່ແກ້ໄຂບັນດາບັນຫາສັງຄົມຍ້ອນໂລກລະບາດໂຄວິດ - 19 ກໍ່ຂຶ້ນ, ກໍຄືເພີ່ມທະວີສະພາບແວດລ້ອມນິຕິກຳ, ສ້າງເງື່ອນໄຂໃຫ້ບັນດາວິສາຫະກິດທີ່ສົ່ງຜົນກະທົບຕໍ່ສັງຄົມ ປະກອບສ່ວນເຂົ້າໃນສັງຄົມ ແລະ ສິ່ງແວດລ້ອມຢ່າງແຮງກວ່າໃຫ້ແກ່ວົງຄະນະຍາດ

        ຄາດວ່າ ໂຄງການຈະຊ່ວຍເຫຼືອວິສາຫະກິດທີ່ສົ່ງຜົນກະທົບຕໍ່ສັງຄົມ 300 ແຫ່ງ ກ່ຽວກັບຕົ້ນທຶນ ແລະ ຕະຫຼາດ, ຈາກນັ້ນສ້າງວຽກເຮັດງານທຳໃຫ້ແກ່ບັນດາຜູ້ທີ່ນອນໃນກຸ່ມຄົນມີຄວາມສ່ຽງສູງກວ່າເພິ່ນ 9.000 ຄົນ.