ໄພພິບັດແຜ່ນດິນໄຫວ ເຮັດໃຫ້ມີກວ່າ 21.000 ຄົນເສຍຊີວິດ (ພາບ: AFP/TTXVN)

        ວັນທີ 09 ກຸມພາ, ຂະບວນລົດໜູນຊ່ວຍທຳອິດຂອງສະຫະປະຊາຊາດ ໄດ້ໄປເຖິງເຂດຕາເວັນຕົກສ່ຽງເໜືອ ຊີຣີ ໂດຍຝ່າຍຄ້ານຄວບຄຸມ ພາຍຫຼັງໄພພິບັດແຜ່ນດິນໄຫວ ເຮັດໃຫ້ມີກວ່າ 21.000 ຄົນເສຍຊີວິດຢູ່ 2 ປະເທດ ຕວກກີ ແລະ ຊີຣີ. ໃນຂະນະນັ້ນ, ບັນດາເຮືອບິນຂົນສົ່ງເຄື່ອງອຸປະຖຳຈາກບັນດາປະເທດ ສະຫະລັດ ອາຣັບ ເອມມີເລດ, ລັດເຊຍ, ອີຣານ ແລະ ບັນດາປະເທດອື່ນໄດ້ລົງຈອດຢູ່ສະໜາມບິນໂດຍລັດຖະບານ ຊີຣີ ຄວບຄຸມຢູ່ Damascus, Aleppo ແລະ Latakia ແຕ່ຕົ້ນອາທິດນີ້. ກຳລັງກູ້ໄພກູ້ຊີບພວມມານະພະຍາຍາມຊອກຫາຜູ້ຍັງມີຊີວິດທີ່ພວມຕິດຄ້າງຢູ່ເຂດຖືກພັງທະລາຍ.

        ໃນຖະແຫຼງການອອກວັນທີ 09 ກຸມພາ, ສະຫະປະຊາຊາດໄດ້ເນັ້ນໜັກເຖິງຄວາມຈຳເປັນຕ້ອງຫຼີກລ້ຽງເລື່ອງ “ຫັນເປັນການເມືອງ” ໃນການອຸປະຖຳໃຫ້ແກ່ບັນດາຜູ້ປະສົບເຄາະຮ້າຍໃນເຫດແຜ່ນດິນໄຫວຢູ່ ຊີຣີ, ປະເທດພວມປະເຊີນໜ້າກັບບັນດາຄຳສັ່ງລົງໂທດສາກົນ, ພ້ອມທັງກະຕຸກຊຸກຍູ້ ອາເມລິກາ ແລະ ສະຫະພາບເອີລົບ ຮັບປະກັນວຽກງານອຸປະຖຳ “ໂດຍບໍ່ມີສິ່ງກີດຂວາງໃດໆ”.