ຂະແຫນງການທູດຫວຽດນາມ:ເປັນເຈົ້າການ,ມີຫົວຄິດປະດິດສ້າງ
(VOVWORLD) -ແຕ່ວັນທີ 12-17 ສິງຫາ, ຢູ່ ຮ່າໂນ້ຍ ໄດ້ດຳເນີນກອງປະຊຸມການທູດຄັ້ງທີ 30 ດ້ວຍຫົວຂໍ້: “ການທູດຫວຽດນາມ: ເປັນເຈົ້າການ, ມີຫົວຄິດປະດິດສ້າງແລະປະສິດທິຜົນ, ປະຕິບັດມະຕິກອງປະຊຸມໃຫຍ່ຂອງພັກຄັ້ງທີ 12 ຢ່າງມີໄຊ” ແລະ ກອງປະຊຸມການພົວພັນຕ່າງປະເທດຄັ້ງທີ 19 ດ້ວຍຫົວຂໍ້ “ເປັນເຈົ້າການ, ມີຫົວຄິດປະດິດສ້າງ, ຮັບໃຊ້ການເຊື່ອມໂຍງຢ່າງມີປະສິດທິຜົນ ແລະ ພັດທະນາແບບຍືນຍົງ”.
|
 ກ່ານໂອ້ລົມສົນທະນາລະຫວ່າງບັນດາຜູ້ຕາງຫນ້າຫວຽດນາມຢູ່ຕ່າງປະເທດແລະວິສາຫະກິດ
ພາບ:vietnam+
|
ກອງປະຊຸມໄດ້ສຸມໃສ່ເຂົ້າໃນບັນດາບັນຫາຈຸດສຸມ, ຊອກຫາມາດຕະການປະຕິບັດມະຕິດັ່ງກ່າວໃນຊຸມປີຈະມາເຖິງ ແລະ ກະກຽມໃຫ້ແກ່ກອງປະຊຸມໃຫຍ່ຄັ້ງທີ 13 ຂອງພັກກອມມູນິດຫວຽດນາມ ແລະ ກຳແຫນ້າກາລະໂອກາດ ແລະ ສິ່ງທ້າທາຍ ເພື່ອສາມາດຜັນຂະຫຍາຍແນວທາງການຕ່າງປະເທດຂອງພັກ, ລັດ ຢ່າງເປັນເຈົ້າການ, ມີຫົວຄິດປະດິດສ້າງ ແລະ ປະສິດທິຜົນ, ສືບຕໍ່ວາງອອກບັນດາມາດຕະການເພື່ອແນໃສ່ເຊື່ອມໂຍງຢ່າງມີປະສິດທິຜົນ, ຍົກທີ່ຕັ້ງບົດບາດຂອງຫວຽດນາມໃຫ້ສູງຂຶ້ນຢູ່ພາກພື້ນ ແລະ ບົນເວທີສາກົນ.