ຂະແໜງສານຜັນຂະຫຍາຍການປະຕິບັດລັດຖະທຳມະນູນ ຕິດພັນກັບການປະຕິຮູບດ້ານຍຸຕິທຳ
ທ່ານປະທານປະເທດ ເຈືອງເຕີນຊາງ ກ່າວຄຳເຫັນທີ່ກອງປະຊຸມ
(ພາບ: VGP)
(vovworld) - ຕອນເຊົ້າວັນທີ 14/01, ເຂົ້າຮ່ວມ ແລະ ກ່າວຄຳເຫັນຊີ້ນຳກອງປະຊຸມຜັນຂະຫຍາຍວຽກງານປີ 2014 ຂອງສານປະຊາຊົນສູງສຸດ, ທ່ານປະທານປະເທດ ເຈືອງເຕີນຊາງ ເນັ້ນໜັກວ່າ ຕາມລັດຖະທຳມະນູນແຫ່ງປະເທດ ສສ ຫວຽດນາມ ແລ້ວ, ສານ ແມ່ນອົງການພິພາກສາຂອງລັດ ສສ ຫວຽດນາມ, ປະຕິບັດສິດຍຸຕິທຳ. ສານປະຊາຊົນ ມີໜ້າທີ່ປົກປ້ອງຄວາມຍຸຕິທຳ, ປົກປ້ອງສິດຂອງມະນຸດ, ສິດຂອງພົນລະເມືອງ, ປົກປ້ອງກົດໝາຍສັງຄົມນິຍົມ, ປົກປ້ອງຜົນປະໂຫຍດຂອງລັດ, ສິດ ແລະ ຜົນປະໂຫຍດອັນຊອບທຳຂອງອົງການ ແລະ ບຸກຄົນ. ທ່ານປະທານປະເທດ ເຈືອງເຕີນຊາງ ສະເໜີໃຫ້ການນຳຂັ້ນສູງສານປະຊາຊົນສູງສຸດ ຊີ້ນຳໃຫ້ສານປະຊາຊົນທຸກຂັ້ນ ໃນວິວັດການຜັນຂະຫຍາຍການດຳເນີນຄະດີ ຕິດພັນກັບຄວາມຮຽກຮ້ອງປະຕິຮູບດ້ານຍຸຕິທຳຢ່າງໃກ້ຊິດ, ໃນນັ້ນເອົາໃຈໃສ່ເຖິງການປະຕິບັດມະຕິຂອງກົມການເມືອງ ກ່ຽວກັບການປະຕິຮູບດ້ານຍຸຕິທຳຮອດປີ 2020. ທ່ານປະທານປະເທດ ເຈືອງເຕີນຊາງ ສະເໜີວ່າ.
“ຄະນະພະນັກງານຂອງພັກ, ການນຳສານປະຊາຊົນສູງສຸດກວດການຄືນບັນດາເນື້ອໃນ, ໜ້າທີ່ຂຶ້ນກັບໜ້າທີ່ຮັບຜິດຊອບຂອງຕົນ. ໃນນັ້ນຕ້ອງເອົາໃຈໃສ່ເປັນພິເສດເຖິງການປ່ຽນໃໝ່ການຈັດຕັ້ງສານປະຊາຊົນສູງສຸດ ຕາມທິດກະທັດລັດດ້ວຍຖັນແຖວຜູ້ພິພາກສາ ແມ່ນບັນດາຜູ້ຊ່ຽວຊານອັນດັບໜຶ່ງຂອງຂະຂະແໜງກ່ຽວກັບກົດໝາຍ ມີປະສົບໃນການພິພາກສາຫຼາຍປີ; ປ່ຽນໃໝ່ການຈັດຕັ້ງວາລະສານພິພາກສາ, ກຳນົດໜ້າທີ່, ສິດຂອງບັນດາຜູ້ເຂົ້າຮ່ວມການດຳເນີນຄະດີ ຕາມທິດຮັບປະກັນລັກສະນະເປີດເຜີຍປະຊາທິປະໄຕ, ຍຸຕິທຳ, ເຄັ່ງຄັດ ແລະ ເພື່ອຄວາມຍຸຕິທຳ.”
ໃນປີ 2014, ຂະແໜງສານ ໄດ້ກຳນົດການປ່ຽນໃໝ່ລະບຽບການໂຕ້ຄວາມຢູ່ສານ ຕາມທິດແທດຈິງ, ຮັບປະກັນລັກສະນະປະຊາທິປະໄຕ, ເປີດເຜີຍ, ຖືກຕາມຂໍ້ກຳນົດຂອງກົດໝາຍ.