ຂະແໜງເກີບໜັງຫວຽດນາມເປັນເຈົ້າການແຫຼ່ງວັດຖຸດິບເພື່ອຍາດແຍ່ງກາລະໂອກາດຈາກບັນດາສັນຍາການຄ້າ
ພາບປະກອບ
|
(vovworld) – ໃນຊຸມວັນຕົ້ນປີ 2016, ມີວິສາຫະກິດເກີບໜັງຫຼາຍແຫ່ງຂອງ ຫວຽດນາມ ເຊັນໄດ້ສັນຍາສົ່ງອອກ. ເມື່ອສັນຍາຄູ່ຮ່ວມມືຂ້າປາຊີຟິກ (TPP) ມີຜົນສັດສິດ, ພາສີແມ່ນ 0% ໄດ້ເປີດກາລະໂອກາດອັນໃຫຍ່ຫຼວງໃຫ້ແກ່ຂະແໜງເກີບໜັງຢູ່ຕະຫຼາດ ອາເມລິກາ. ສ່ວນສຳລັບຕະຫຼາດ ເອີລົບ, ປະຈຸບັນ ຫວຽດນາມ ກວມເອົາ 11% ເທົ່ານັ້ນ, ດັ່ງນັ້ນ, ເມື່ອສັນຍາການຄ້າເສລີ ຫວຽດນາມ - ອີຢູ ມີຜົນສັກສິດ, ລະດັບການເຕີບໂຕດ້ານການສົ່ງອອກເຂົ້າຕະຫຼາດນີ້ກໍສູງທີ່ສຸດ. ປີນີ້, ຂະແໜງເກີບໜັງ ຫວຽດນາມ ວາງຈຸດໝາຍບັນລຸວົງເງິນສົ່ງອອກປະມານ 17 ຕື້ USD, ເພີ່ມຂຶ້ນ 15% ເມື່ອທຽບໃສ່ປີ 2015. ທ່ານນາງ ຟານທິແທງຊວນ, ເລຂາທິການໃຫຍ່ສະຫະສະມາຄົມໜັງ - ເກີບ - ກະເປົາ ຫວຽດນາມ, ໃຫ້ຮູ້ວ່າ:
“ປະຈຸບັນ, ອັດຕາວັດຖຸດິບພາຍໃນປະເທດແມ່ນຕຳ່ຫຼາຍ. ລັດຕ້ອງມີບັນດານະໂຍບາຍໜູນຊ່ວຍ, ບຸລິມະສິດດ້ານພາສີອາກອນ, ສ້າງຕັ້ງເຂດອຸດສາຫະກິດພິເສດສະເພາະໃຫ້ແກ່ຂະແໜງເພື່ອປະຢັດຄ່າໃຊ້ຈ່າຍ, ແຫຼ່ງກຳລັງ..., ສ້າງການເຊື່ອມຕໍ່ລະຫວ່າງຂະແໜງຕອບສະໜອງຄວາມຕ້ອງການຜະລິດ, ສົ່ງອອກ. ດຳລັດກ່ຽວກັບການພັດທະນາອຸດສາຫະກຳສຳຮອງໄດ້ຮັບການປະກາດໃຊ້, ແຕ່ເພື່ອປະກົດຜົນເປັນຈິງຕ້ອງມີເອກະສານແນະນຳປະຕິບັດ ແລະ ບັນດາການປັບປຸງເໝາະສົມກັບຄວາມຮຽກຮ້ອງຕ້ອງການຂອງວິສາຫະກິດ.”