ຂ້າຫຼວງໃຫຍ່ ສປຊ ກ່ຽວກັບສິດທິມະນຸດ ຕຳໜິຕິຕຽນແຜນການ ໂຮມດິນແດນຝັ່ງຕາເວັນຕົກຂອງ ອິດສະລາແອັນຜິດກົດໝາຍ
(VOVWORLD) -ວັນທີ 29 ມິຖຸນາ, ທ່ານນາງ Michelle Bachelet ຂ້າຫຼວງໃຫຍ່ ສປຊ ກ່ຽວກັບ ສິດທິມະນຸດໄດ້ປະກາດວ່າ ແຜນການຂອງອິດສະລາແອັນທີ່ໂຮມດິນແດນຝັ່ງຕາເວັນຕົກ ໂດຍເປັນຜືນແຜ່ນດິນສ່ວນໜຶ່ງ ຂອງ ປາແລັດສະຕິນ ທີ່ຖືກຢຶດຄອງຢູ່ຝັ່ງຕາເວັນຕົກ ແມ່ນ “ຜິດກົດໝາຍ”, ພ້ອມທັງກ່າວເຕືອນການກະທຳນີ້ອາດຈະກໍ່ຜົນຮ້າຍທີ່ໜັກໜ່ວງ.
 ພູພຽງ Golden (ພາບ: TTXVN) |
ທ່ານນາງ Bachelet ໄດ້ຢັ້ງຢືນວ່າ ບໍ່ວ່າການກະທຳໃດໆຂອງອິດສະລາແອັນ ທີ່ໂຮມ ເນື້ອທີ່ເຂດຝັ່ງຕາເວັນຕົກເຂົ້າ 5% ຫຼື 30% ກໍ່ລ້ວນແຕ່ແມ່ນຜິດກົດໝາຍ, ພ້ອມທັງທ່ານນາງກໍ່ສະແດງຄວາມວິຕົກກັງວົນກ່ຽວກັບທັດສະນະນີ້ ເຊິ່ງ ຈະສ້າງການຄັດຄ້ານທີ່ແກ່ຍາວ ເປັນເວລາຫຼາຍສິບປີ ແລະ ຈະທຳລາຍອິດສະລາແອັນຢ່າງຮ້າຍແຮງ, ກໍ່ຄືຊາວປະແລັດສະຕິນ.
ກ່ອນໜ້ານັ້ນ, ທ່ານ Benjamin Netanyahu ນາຍົກລັດຖະມົນຕີ ອິດສະລາແອັນໄດ້ປະກາດວ່າ ພ້ອມແລ້ວທີ່ຈະເຈລະຈາກັບ ປາແລັດສະຕິນ ບົນພື້ນຖານ “ແຜນການສ້າງສັນຕິພາບ” ຢູ່ພາກຕາເວັນອອກກາງ ຂອງ ທ່ານ ປະທານາທິບໍດີ ອາເມລິກາ Donald Trump. ກ່າວຄຳເຫັນກ່ອນເວລາ ທີ່ທ່ານຍົກອອກມາ ເພື່ອປະຕິບັດການໂຮມເຂດຝັ່ງຕາເວັນຕົກທີ່ຖືກຢຶດຄອງເຂົ້າອິດສະລາແອັນ 2 ວັນ, ທ່ານ Netanyahu ໄດ້ເລ່ງລັດຊາວປາແລັດສະຕິນປະຕິບັດຕາມແຜນການນີ້.