ຄູຝຶກບານເຕະ Park Hang Seo ສະໜັບສະໜູນການປ້ອງກັນ, ສະກັດກັ້ນໂລກລະບາດ Covid-19
(VOVWORLD) - ວັນທີ 26 ມີນາ ຢູ່ຮ່າໂນ້ຍ, ທ່ານ ເຈິ່ນແທັງເໝິນ, ເລຂາສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຕາງໜ້າຮັບເງິນສະໜັບສະໜູນການປ້ອງກັນ, ຕ້ານໂລກລະບາດ Covid-19 ທີ່ມີມູນ ຄ່າ 5000 USD ຈາກທ່ານ Park Hang Seo ຫົວໜ້າຄູຝຶກທິມຊາດບານເຕະຊາຍ ຫວຽດນາມ.
 ທ່ານ ເຈິ່ນແທັງເໝິນຕາງໜ້າຮັບເງິນສະໜັບສະໜູນຈາກທ່ານ Park Hang Seo (ພາບ: TTXVN) |
ຄູຝຶກ Park Hang Seo ໃຫ້ຮູ້ວ່າ: ດ້ວຍການປະກອບສ່ວນອັນໜ້ອຍໆຂອງຕົນ, ທ່ານປາດຖະໜາວ່າ ການ ປະກອບສ່ວນຂອງຕົນ ຈະພ້ອມກັບພັກ, ລັດຖະບານ, ກະຊວງສາທາລະນະສຸກ ຫວຽດນາມ ໜູນຊ່ວຍໃຫ້ບັນດາຜູ້ທີ່ພວມປະຕິບັດໜ້າທີ່ປ້ອງກັນ, ສະກັດກັ້ນທັງເວັນແລະຄືນ, ຜູ້ທີ່ພວມປິ່ນປົວ ແລະ ຢູ່ບັນດາເຂດແຍກຕົວໃນທົ່ວປະເທດ ຫວຽດນາມ; ພິເສດແມ່ນຊ່ວຍເຫຼືອຜູ້ທີ່ພວມຖືກຜົນສະທ້ອນໂດຍກົງກ່ຽວກັບດ້ານເສດຖະກິດ ຍ້ອນໂລກລະບາດ Covid-19 ກໍ່ຂຶ້ນ.