ເທດສະບານ Khiyam, ລີບັງ ພາຍຫຼັງບັ້ນບຸກໂຈມຕີທາງອາກາດ ຂອງວັນທີ 30 ກັນຍາ (ພາບ:THX/TTXVN)

ຕາມກະຊວງສາທາລະນະສຸກສາທາລະນະ ລີບັງ ແລ້ວ, ເຫດບຸກໂຈມຕີທາງອາກາດນີ້ ໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍສຸດ 5 ຄົນ ແລະ 11 ຄົນໄດ້ຮັບບາດເຈັບ, ເຊິ່ງກ່ອນໜ້ານັ້ນ, ອິດສະຣາແອັນ ກໍໄດ້ດຳເນີນບັ້ນບຸກໂຈມຕີທາງອາກາດເລັ່ງໃນເຂດ Haret Hreik ຢູ່ເຂດຊານເມືອງທາງທິດໃຕ້ Beirut. ກອງທັບ ອິດສະຣາແອັນ ໄດ້ຮຽກຮ້ອງໃຫ້ປະຊາຊົນຢູ່ເຂດດັ່ງກ່າວຕ້ອງຍົກຍ້າຍໄປຍັງບ່ອນປອດໄພ ພາຍຫຼັງທີ່ຖະແຫຼງວ່າ ຈະຜັນຂະຫຍາຍບັ້ນບຸກໂຈມຕີຄັ້ງຕ່າງໆເລັ່ງໃສ່ຮາກຖານຂອງກຳລັງ ເຮໂບລາ ຢູ່ ລີບັງ ຕື່ມອີກ.

        ຕອນຄ່ຳວັນທີ 02 ຕຸລາ, ທ່ານນາຍົກລັດຖະມົນຕີ ຊົ່ວຄາວ ລີບັງ Najib Mikati ໄດ້ກ່າວຫາບັນດາບັ້ນບຸກໂຈມຕີຂອງ ອິດສະຣາແອັນ ເລັ່ງໃສ່ປະເທດນີ້ ເຮັດໃຫ້ປະຊາຊົນ 1,2 ລ້ານຄົນ ຕ້ອງໄປລີ້ໄພ. ທ່ານຮຽກຮ້ອງໃຫ້ປະຕິບັດຄຳສັ່ງຢຸດຍິງລະຫວ່າງກອງທັບ ອິດສະຣາແອັນ ແລະ ເຮໂບລາ, ຢຸດຕິການນອງເລືອດ ແລະ ການມ້າງພັງປະເທດລີບັງ ໃນທັນທີ.

ບ໊າທີ, ນັກຂ່າວ VOV ປະຈຳ ອີຢິບ