ຄວາມເຄັ່ງຕຶງປີນຂັ້ນໄດລະຫວ່າງ ອິນເດຍ ແລະ ປາກິດສະຖານ ຢູ່ເຂດ Kashmir
(VOVWORLD) - ວັນທີ 13 ພະຈິກ, ທີ່ເຂດເກີດການປະທະກັນ Kashmir, ບັນດາກຳລັງ ອິນເດຍ ແລະ ປາກິດສະຖານ ໄດ້ຍິງປະທະກັນ 5 ຄັ້ງ, ເຮັດໃຫ້ 6 ຄົນເສຍຊີວິດ ແລະ ຫລາຍຄົນໄດ້ຮັບບາດເຈັບ.
 ພົນທະຫານ ປາກິດສະຖານ . ພາບ: AFP/TTXVN |
ຝ່າຍອິນເດຍ ໃຫ້ຮູ້ວ່າ ພົນທະຫານ 3 ຄົນຂອງປະເທດນີ້ໄດ້ເສຍຊີວິດ ແລະ 3 ຄົນໄດ້ຮັບບາດເຈັບໃນບັນດາການປະທະກັນທີ່ເກີດຂຶ້ນໃນວັນທີ 13 ພະຈິກ. ຕຳຫລວດຢູ່ Kashmir ສ່ວນທີ່ ອິນເດຍ ຄວບຄຸມກໍ່ໃຫ້ຮູ້ວ່າ: ມີສາມັນຊົນ 3 ຄົນເສຍຊີວິດ ແລະ ໜ້ອຍສຸດມີ 3 ຄົນໄດ້ຮັບບາດເຈັບ.
ໃນຂະນະນັ້ນ, ວົງການເຈົ້າໜ້າທີ່ ປາກິດສະຖານ ກໍ່ປະກາດກ່ຽວກັບການເສຍຊີວິດ ແລະ ບາດເຈັບຂອງປະເທດນີ້ ແຕ່ບໍ່ເຜີຍໃຫ້ຮູ້ຕົວເລກລະອຽດ. ຄວາມເຄັ່ງຕຶງລະຫວ່າງ ອິນເດຍ - ປາກິດສະຖານ ປີນຂັ້ນໄດພຽງໃນ 5 ວັນເທົ່ານັ້ນ ພາຍຫລັງທີ່ພົນທະຫານ ອິນເດຍ 3 ຄົນເສຍຊີວິດໃນການຍິງປີນປະທະກັນກັບບັນດາພົນທະຫານ ປາກິດສະຖານ.