ຄະນະກໍາມະການຄວາມປອດໄພການບິນພົນລະເຮືອນແຫ່ງຊາດ ຜັນຂະຫຍາຍວຽກງານ ປີ 2020
(VOVWORLD) -ຕອນເຊົ້າວັນທີ 10 ມັງກອນ, ຢູ່ສໍານັກງານລັດຖະບານ, ຄະນະກໍາມະການຄວາມປອດໄພການບິນພົນລະເຮືອນແຫ່ງຊາດ ໄດ້ຈັດຕັ້ງກອງປະຊຸມອອນລາຍ ສະຫຼຸບວຽກງານປີ 2019 ແລະ ຜັນຂະຫຍາຍໜ້າທີ່ປີ 2020. ທ່ານ ເຈືອງຮວ່າບິ່ງ ຮອງນາຍົກລັດຖະມົນຕີ ຜູ້ປະຈໍາການລັດຖະບານຫວຽດນາມ, ປະທານຄະນະ ກໍາມະການຄວາມປອດໄພການບິນພົນລະເຮືອນແຫ່ງຊາດ ເປັນປະທານ ກອງປະຊຸມ.
 ທ່ານ ເຈືອງຮວ່າບິ່ງ ຮອງນາຍົກລັດຖະມົນຕີ ຜູ້ປະຈໍາການລັດຖະບານຫວຽດນາມ, ປະທານຄະນະ ກໍາມະການຄວາມປອດໄພການບິນພົນລະເຮືອນແຫ່ງຊາດ ເປັນປະທານ ກອງປະຊຸມ (ພາບ: TTXVN) |
ປີ 2019, ວຽກງານຮັບປະກັນຄວາມປອດໄພທາງອາກາດຂອງຂະແໜງການບິນຫວຽດນາມ ໄດ້ຮັບການຮັບປະກັນເປັນຢ່າງດີີໂດຍພື້ນຖານ. ກ່ຽວກັບໜ້າທີ່ໃນໄລຍະຈະມາເຖິງ, ຮອງລັດຖະມົນຕີກະຊວງຄົມມະນາຄົມ ແລະ ຂົນສົ່ງຫວຽດນາມ ຊີ້ແຈ້ງວ່າ:
“ກົມການບິນຫວຽດນາມ ພວມປະຕິບັດບັນດາມາດຕະການເພີ່ມທະວີວຽກງານຮັບປະກັນຄວາມປອດໄພທາງການບິນຢ່າງຄົບຖ້ວນ; ປະຕິບັດລາຍການຕິດຕາມກວດກາຄວາມປອດໄພພື້ນຖານຢ່່າງຄົບຖ້ວນ; ຈັດຕັ້ງການກວດກາວຽກງານຮັກສາເງື່ອນໄຂການຂຸດຄົ້ນ ແລະ ຜັນຂະຫຍາຍລະບົບຄຸ້ມຄອງຄວາມປອດໄພຢູ່ທ່າອາກາດສະຍານ; ກວດກາຄວາມປອດໄພໃນການຂຸດຄົ້ນບັນດາຮາກຖານສະໜອງການບໍລິການ ຮັບປະກັນການເຄື່ອນໄຫວໃນການບິນຂຶ້ນ...”.
ກ່າວຄໍາເຫັນສະຫຼຸບທີ່ກອງປະຊຸມ, ທ່ານ ເຈືອງຮວ່າບິ່ງ ສະເໜີໃຫ້ກະຊວງ: ຄົມມະນາຄົມ- ຂົນສົ່ງ, ຕໍາຫຼວດ, ປ້ອງກັນປະເທດ, ໂດຍອີງໃສ່ພາລະບົດບາດໜ້າທີ່ຂອງຕົນ ປະຕິບັດວຽກງານຕີລາຄາຄວາມສ່ຽງທີ່ຂົ່ມຂູ່ຄວາມປອດໄພທາງການບິນຕາມຂໍ້ກໍານົດຂອງກົດໝາຍ, ຂໍ້ແນະນໍາຂອງອົງການການບິນພົນລະເຮືອນສາກົນຢ່າງເຂັ້ມງວດ. ພ້ອມທັງຍູ້ແຮງວຽກງານໂຄສະນາ, ເຜີຍແຜ່ຄວາມຮູ້ດ້ານກົດໝາຍ, ສ້າງວັດທະນະທໍາຄົມມະນາຄົມທາງການບິນໃຫ້ທົ່ວສັງຄົມ ແລະ ປະຊາຊົນທຸກຊັ້ນວັນນະ.