ບັນດານັກຮຽນ, ນັກສຶກສາ, ຊາວໜຸ່ມຊົນເຜົ່າສ່ວນໜ້ອຍ ເຂົ້າຮ່ວມກອງປະຊຸມ (ພາບ:VOV)

ຕອນບ່າຍວັນທີ 25 ທັນວາ, ຢູ່ຮ່າໂນ້ຍ, ຄະນະກຳມະການຊົນເຜົ່າ ໄດ້ຈັດການພົບປະກັບຄະນະນັກຮຽນ, ນັກສຶກສາ, ຊາວໜຸ່ມຊົນເຜົ່າສ່ວນໜ້ອຍດີເດັ່ນປີ 2023. ປີນີ້, ນັກຮຽນ, ນັກສຶກສາ, ຊາວໜຸ່ມຊົນເຜົ່າສ່ວນໜ້ອຍ 143 ຄົນໄດ້ຮັບການຍ້ອງຍໍຊົມເຊີຍ. ພວກນ້ອງແມ່ນບັນດານັກຮຽນຊົນເຜົ່າສ່ວນໜ້ອຍທີ່ບັນລຸລາງວັນໃນການສອບເສັງນັກຮຽນເກັ່ງລະດັບຊາດ, ການເສັງວິທະຍາສາດເຕັກນິກລະດັບຊາດ, ການເສັງເຂົ້າມະຫາວິທະຍາໄລ, ສະຖາບັນໂດຍມີຄະແນນ 28 ໃນ 30 ຄະແນນຂຶ້ນໄປ… ກ່າວຄຳເຫັນທີ່ການພົບປະ, ທ່ານ ເຮົ່າອາເລັ່ງ, ລັດຖະມົນຕີ, ຫົວໜ້າຄະນະກຳມະການຊົນເຜົ່າ ຫວັງວ່າ: ບັນດານັກຮຽນ, ນັກສຶກສາ, ຊາວໜຸ່ມທີ່ໄດ້ຮັບການຍ້ອງຍໍຈະສືບຕໍ່ແຜ່ຂະຫຍາຍບັນດາຜົນງານທີ່ບັນລຸໄດ້ເຖິງວົງຄະນະຍາດ ເພື່ອປະກອບສ່ວນຍົກສູງຊີວິດທາງດ້ານເສດຖະກິດ - ສັງຄົມ ເຂດພໍ່ແມ່ປະຊາຊົນເຜົ່າສ່ວນໜ້ອຍ:

        “ດ້ວຍບັນດາຜົນງານໃນມື້ນີ້, ພວກເຮົາຈະພ້ອມກັນມານະພະຍາຍາມກ່ວາອີກ, ເພື່ອຍາດໄດ້ບັນດາຜົນງານສູງກ່ວາໃນອະນາຄົດ. ພວກເຮົາຕ້ອງພະຍາຍາມເພື່ອເຮັດແນວໃດໃຫ້ປະຊາຄົມຂອງຕົນພັດທະນາດີກ່ວາອີກ”.