ຄະນະກຳມະການເລືອກຕັ້ງຂອງໄທສະເຫນີສານລັດຖະທຳມະນູນຕັດສິນກ່ຽວກັບເລື່ອງໂຈະການເລືອກຕັ້ງ
ທ່ານນາງນາຍົກລັດຖະມົນຕີໄທ ຍິ່ງຣັກ ຊີນະວັດ
ພາບ:internet
|
(vovworld) - ຄາດວ່າຄຳສະເຫນີ ສານລັດຖະທຳມະນູນຕັດສິນກ່ຽວກັບເລື່ອງໂຈະການເລືອກຕັ້ງຈະຖືກສົ່ງເຖິງສານໃນວັນທີ 22/1. ກ່າວຄຳເຫັນທີ່ການປະຊຸມຂ່າວຢູ່ແຂວງ ປະທູມທານີ ເມື່ອວັນທີ 21/1, ທ່ານ ພູຈົງ ນຸຕະຣາວົງ, ເລຂານຸການໃຫຍ່ ຄະນະກຳມະການເລືອກຕັ້ງແຫ່ງຊາດໄທ ໃຫ້ຮູ້ວ່າ: ບັນດາສະມາຊິກຄະນະກຳມະການເລືອກຕັ້ງໄດ້ເຫັນດີ ຍື່ນໃບສະເຫນີຕໍ່ສານລັດຖະທຳມະນູນ ເພື່ອສະເຫນີໂຈະການເລືອກຕັ້ງໄວ້. ຕາມທ່ານ ພູຈົງ ນຸຕະຣາວົງ ແລ້ວ,ຄະນະກຳມະການເລືອກຕັ້ງແຫ່ງຊາດໄທ ສະເຫນີໂຈະການເລືອກຕັ້ງໄວ້ ເພາະວ່າ ປະຈຸບັນ ມີ ສະຖານທີ່ເລືອກຕັ້ງ 28 ແຫ່ງບໍ່ສາມາດຈັດຕັ້ງການເລືອກຕັ້ງໄດ້. ສິ່ງດ່ັງກ່າວໄດ້ເຮັດໃຫ້ຈຳນວນສະມາຊິກສະພາແຫ່ງຊາດບໍ່ພຽງພໍຕາມຄວາມຕ້ອງການແມ່ນບັນລຸ 95% ເພື່ອຈັດຕັ້ງວາລະປະຊຸມຄັ້ງປະຖົມມະເລິກທີ່ສະພາຕຳ່. ນອກນັ້ນ ປະຈຸບັນຍັງຂາດຜູ້ຕິດຕາມກວດກາທີ່ບັນດາຫີບປ່ອນບັດ 50.000 ຄົນ. ທ່ານ ພູຈົງ ນຸຕະຣາວົງ ໃຫ້ຮູ້ວ່າ: ເຖິງວ່າ ຂໍ້ສະເຫນີໂຈະການເລືອກຕັ້ງກໍຕາມ ແຕ່ໃນໄລຍະລໍຖ້າຄຳຕັດສິນຂອງສານລັດຖະທຳມະນູນກ່ຽວກັບບັນຫາດັ່ງກ່າວ, ຄະນະກຳມະການເລືອກຕັ້ງໄທ ຍັງຄົງສືບຕໍ່ຊຸກຍູ້ວຽກງານກະກຽມໃຫ້ແກ່ການເລືອກຕັ້ງດັ່ງກ່າວ.
ການກະທຳດັ່ງກ່າວຂອງຄະນະກຳມະການເລືອກຕັ້ງແຫ່ງຊາດໄທ ດຳເນີນໄປພາຍຫລັງລັດຖະບານໄທ ປະກາດຂໍ້ຕົກລົງຈັດວາງຄຳສັ່ງສະພາວະສຸກເສີນຢູ່ ບາງກອກ ແລະ ບັນດາແຂວງ ໃກ້ຄຽງໃນເວລາ 60 ວັນ. ຄຳສັ່ງດັ່ງກ່າວມີຜົນບັງຄັບໃຊ້ນັບແຕ່ວັນທີ 22/1 ເປັນຕົ້ນໄປ ເພື່ອປ້ອງກັນຄວາມສະຫງົບປອດໄພ ແລະ ສະກັດກັ້ນສະພາບໃຊ້ຄວາມຮຸນແຮງທີ່ເພີ່ມຂຶ້ນ, ພິເສດຢູ່ບໍລິເວນນະຄອນຫລວງ ບາງກອກ.