ພິທີເຄື່ອນທັບຄະນະນັກກິລາ

ຕອນເຊົ້າວັນທີ 28 ກັນຍາ, ຢູ່ນະຄອນໂຮ່ຈີມິນ, ສະຫະສະມາຄົມ Paralympic ຫວຽດນາມ ໄດ້ສົມທົບກັບພະແນກວັດທະນະທຳ ແລະ ກິລາ ນະຄອນໂຮ່ຈີມິນ ຈັດຕັ້ງພິທີເຄື່ອນທັບຄະນະນັກກິລາພິການ ຫວຽດນາມ ເຂົ້າຮ່ວມງານມະຫາກຳກິລາຄົນພິການ ອາຊີ ປີ 2018 (Asian Para Games 3 Indonesia 2018).

        ຄະນະຜູ້ແທນ ຫວຽດນາມ ເຂົ້າຮ່ວມງານມະຫາກຳມີສະມາຊິກ 75 ຄົນ, ໃນນັ້ນມີນັກກິລາ 52 ຄົນ, ຄູຝຶກ 11 ຄົນ ແລະ ຫົວໜ້າຄະນະແມ່ນທ່ານ ຫວູເທ໊ຟຽດ, ຮອງປະທານທັງເປັນເລຂາທິການໃຫຍ່ສະຫະສະມາຄົມ Paralympic ຫວຽດນາມ. ບັນດານັກກິລາ ຫວຽດນາມ ຈະເຂົ້າຮ່ວມແຂ່ງຂັນກິລາ 7 ປະເພດໃນຈຳນວນ 18 ປະເພດຂອງງານມະຫາກຳຄັ້ງນີ້, ເຊິ່ງລວມມີ: ລອຍນ້ຳ, ແລ່ນ ແລະ ລານ, ຍົກນ້ຳໜັກ… ນີ້ໄດ້ຮັບຖືວ່າແມ່ນບັນດາປະເພດກິລາມີທ່າແຮງຂອງ ຫວຽດນາມ, ໝັ້ນໝາຍຈະຍາດໄດ້ຜົນງານສູງທີ່ງານມະຫາກຳກິລາຄັ້ງນີ້.