(VOVWORLD) - ເມື່ອສິ້ນສຸດການເສັງຄະນິດສາດໂລກ - World Mathematical Olympiad 2017 ທີ່ໄດ້ຈັດຕັ້ງຢູ່ ຈີນ ໃນລະຫວ່າງວັນທີ 11 – 12 ສິງຫາ, ຄະນະນັກຮຽນ ຫວຽດນາມ ຄ້ວາໄດ້ 2 ຫຼຽນເງິນ, 7 ຫຼຽນທອງ ແລະ ຄ້ວາໄດ້ລາງວັນ 3 ໃນໝູ່ຄະນະ.
 ຄະນະນັກຮຽນ ຫວຽດນາມ ເຂົ້າຮ່ວມການສອບເສັງ |
ນີ້ແມ່ນປີທີ 2 ທີ່ ຫວຽດນາມ ມີຜູ້ຕາງໜ້າເຂົ້າຮ່ວມຮອບຊິງຊະນະເລີດພ້ອມກັບບັນດາຜູ້ເຂົ້າສອບເສັງທີ່ມາຈາກຫຼາຍປະເທດຄື: ຈີນ, ອັງກິດ, ການາດາ, ອົດສະຕາລີ, ສ. ເກົາຫຼີ, ໄທ , ສິງກະໂປ, ມາເລເຊຍ, ອິນໂດເນເຊຍ. ຄະນະ ຫວຽດນາມ ເຂົ້າຮ່ວມການສອບເສັງມີນັກຮຽນ 12 ຄົນ.
World Mathematical Olympiad ແມ່ນການເສັງຄະນິດສາດສາກົນທີ່ສະຫງວນໃຫ້ນັກຮຽນມີອາຍຸແຕ່ 8 -13 ປີ, ໄດ້ຮັບການຈັດຕັ້ງປະຈຳປີ. ການເສັງນີ້ແມ່ນບ່ອນປະຊັນພູມປັນຍາໃຫ້ຜູ້ທີ່ມີອາຍຸໜຸ່ມນ້ອຍທີ່ມີຄວາມເກັ່ງກ້າສາມາດກ່ຽວກັບຄະນິດສາດ, ຜ່ານນັ້ນ, ນັກຮຽນມາຈາກຫຼາຍປະເທດໃນໂລກມີໂອກາດໄດ້ທົດລອງຄວາມສາມາດ ແລະ ແຂ່ງຂັນກັບບັນດາຜູ້ຕາງໜ້າຫຼາຍປະເທດມີພື້ນຖານຄະນິດສາດພັດທະນາແຖວໜ້າໃນໂລກ.