(vovworld) - ໂດຍສືບຕໍ່ວາລະປະຊຸມຄັ້ງທີ 17, ຕອນເຊົ້າວັນທີ 10/04, ຄະນະປະຈຳສະພາແຫ່ງຊາດ ໄດ້ໃຫ້ຄຳຄິດຄຳເຫັນກ່ຽວກັບການສະຫລຸບຂາດຕົວງົບປະມານແຫ່ງລັດປີ 2011. ຕາມລາຍງານຂອງລັດຖະບານ, ຍອດຈຳນວນລາຍຮັບງົບປະມານແຫ່ງລັດປີ 2011 ແມ່ນເກືອບ 970.000 ຕື້ດົງ. ໃນນັ້ນ, ລາຍຮັບຕາມແຜນງົບປະມານຂອງສະພາແຫ່ງຊາດໃນປີ 2011 ແມ່ນກວ່າ 270.000 ຕື້ດົງ, ເພີ່ມຂຶ້ນ 21,3% ເມື່ອທຽບໃສ່ແຜນງົບປະມານ. ແຕ່ຕາມຄຳເຫັນຂອງສະມາຊິກສ່ວນຫຼາຍໃນຄະນະປະຈຳສະພາແຫ່ງລາດແລ້ວ, ລາຍຮັບງົບປະທານຂອງລັດລື່ນກາຍແຜນງົບປະມານທົບ 3 ເທົ່າເມື່ອທຽບໃສ່ຄາດໝາຍສູ້ຊົນເພີ່ມລາຍຮັບຂອງລັດຖະບານ. ສິ່ງດັ່ງກ່າວສະແດງໃຫ້ເຫັນວ່າ ວຽກງານວາງແຜນງົບປະມານຍັງບໍ່ທັນໃກ້ຊິດກັບຕົວຈິ່ງ, ອັນໄດ້ສົ່ງຜົນສະທ້ອນສ່ວນໃດສ່ວນໜຶ່ງເຖິງວຽກງານຊີ້ນຳ, ບໍລິຫານງົບປະມາແຫ່ງລັດ. ມີຫລາຍຄຳເຫັນໃຫ້ຂ້ໍສັງເກດວ່າ ຈຳນວນລາຍຮັບງົບປະທານແຫ່ງລັດລື່ນກາຍແຜນງົບປະມານແມ່ນຍ້ອນລາຄາເພີ່ມຂຶ້ນ, ເລື່ອງປັບປຸງເພີ່ມພາສີນຳເຂົ້າສຳລັບສິນຄ້າບາງປະເພດທີ່ບໍ່ສົ່ງເສີມນ້ຳເຂົ້າ ແລະ ເພີ່ມບ້ວງລາຍຮັບກ່ຽວກັບເຮືອນຢູ່ ແລະ ທີ່ດິນ. ປັດໃຈຈາກການຜະລິດດຳເນີນທຸລະກິດກວມພຽງປະມານ 20% ຍອດຈຳນວນລາຍຮັບ. ສະນັ້ນ, ລາຍຮັບງົບປະທານແຫ່ງລັດເຖິງວ່າຈະເພີ່ມຂຶ້ນສູງ ແຕ່ບໍ່ໃກ້ຊິດກັບກຳລັງພາຍໃນຂອງພື້ນຖານເສດຖະກິດ.
ກ່ຽວຂ້ອງເຖິງລາຍຈ່າຍງົບປະທານແຫ່ງລັດໃນປີ 2011, ຍອດຈຳນວນລາຍຈ່າຍງົບປະມານແຫ່ງລັດຕາມລາຍງານຂອງລັດຖະບານໄດ້ລື່ນກາຍ 8,5% ແມ່ນທຽບໃສ່ແຜນງົບປະມານ, ເຊິ່ງຕົ້ນຕໍ່ແມ່ນເພີ່ມລາຍຈ່າຍໃຫ້ແກ່ການລົງທຶນພັດທະນາ.