ຄະນະປະຈຳສະພາແຫ່ງຊາດໃຫ້ຄຳເຫັນ
ໃສ່ຮ່າງກົດໝາຍວ່າດ້ວຍສານປະຊາຊົນ (ສະບັບປັບປຸງ)
(ພາບ: TTXVN)
(vovworld) – ຕອນເຊົ້າວັນທີ 23/09, ຄະນະປະຈຳສະພາແຫ່ງຊາດ ສືບຕໍ່ການປະຊຸມແລະ ໃຫ້ຄຳເຫັນຕໍ່ຮ່າງກົດໝາຍວ່າດ້ວຍການຈັດຕັ້ງສານປະຊາຊົນ (ສະບັບປັບປຸງ). ບັນດາສະມາຊິກໃນຄະນະປະຈຳສະພາແຫ່ງຊາດ ໄດ້ເຫັນດີກັບຂໍ້ກຳນົດກ່ຽວກັບເລື່ອງ “ສານປະຕິບັດສິດຍຸຕິທຳ”. ບັນດາສະມາຊິກ ສະເໜີຕ້ອງມີບັນດາຫຼັກການ, ຂໍ້ກຳນົດກ່ຽວກັບລະບຽບການປະຕິບັດໜ້າທີ່, ສິດອຳນາດຂອງສານໃນກົດໝາຍຢ່າງລະອຽດ . ບັນດາຂໍ້ກຳນົດຕ້ອງມີລັກສະນະເຄັ່ງຄັດ, ຫຼີກລ້ຽງປັດໃຈທີ່ສົ່ງຜົນສະທ້ອນເຖິງການພິພາກສາເອກະລາດຂອງຜູ້ພິພາກສາ, ຮັບປະກັນສິດໄດ້ແກ້ຄວາມ, ອາໄສຜູ້ແກ້ຄວາມ ແລະ ສິດໂຕ້ຄວາມເມື່ອເປີດສານພິພາກສາ.
ໃນຕອນເຊົ້າວັນດຽວກັນ, ຄະນະປະຈຳສະພາແຫ່ງຊາດ ໄດ້ໃຫ້ຄຳເຫັນຕໍ່ບາງບັນຫາທີ່ຍັງມີຄວາມເຫັນແຕກຕ່າງກັນຂອງຮ່າງກົດໝາຍວ່າດ້ວຍອົງການໄອຍະການປະຊາຊົນ (ສະບັບປັບປຸງ).