(vovworld) - ຄະນະປະຕິບັດງານລະຫວ່າງຂະແໜງຂອງຄະນະສາສະໜາລັດຖະບານຫວຽດນາມ ໂດຍທ່ານ Pham Dung ຮອງລັດຖະມົນຕີກະຊວງພາຍໃນ, ຫົວໜ້າຄະນະສາສະໜາລັດຖະບານນຳໜ້າ, ໄດ້ມີການຢ້ຽມຢາມ ແລະ ເຮັດວຽກຢູ່ອີຕາລີ ໃນລະຫວ່າງວັນທີ 4 – 9/11, ເພື່ອຊອກຮູ້ບັນຫາສາສະໜາ ແລະ ເລື່ອງຄຸ້ມຄອງລັດທີ່ມີຕໍ່ບັນດານີ້. ໃນໄລຍະທີ່ເຮັດວຽກຢູ່ອີຕາລີ, ຄະນະຜູ້ແທນໄດ້ມີການພົບປະ ແລະ ເຮັດວຽກກັບທ່ານເລຂາທິການໃຫຍ່ກະຊວງເຜີຍແຜ່ສາສະໜາ Vatican Savio Hon Tai Fai, ສັງຄະນາຍົກ, ຫົວໜ້າເຂດຊາວຄຼິດ Roma Filippo Iannone, ທ່ານຮອງລັດຖະມົນຕີກະຊວງພາຍໃນອີຕາລີ Saverio Ruperto, ເຂົ້າຢ້ຽມຢຂໍ່ານັບທ່ານລັດຖະມົນຕີການຕ່າງປະເທດສຳນັກ Vatican Dominique Mamberti ແລະ ທ່ານຮອງລັດຖະມົນຕີການຕ່າງປະເທດ Vatican Ettore Balestrero. ນອກນັ້ນ, ຄະນະຜູ້ແທນກໍໄປຢ້ຽມຢາມໂຮງໝໍເດັກ Bambino Gesu ຂອງ Vatican ທີ່ພວມມີການຮ່ວມມືກັບໂຮງໝໍເດັກຮ່າໂນ້ຍ.
ຜ່ານການເຮັດວຽກກັບທ່ານຮອງລັດຖະມົນຕີກະຊວງພາຍໃນອີຕາລີ Ruperto, ສອງຝ່າຍໄດ້ແລກປ່ຽນກ່ຽວກັບບັນດາແຜນນະໂຍບາຍ, ນະໂຍບາຍກົດໝາຍທີ່ກ່ຽວຂ້ອງເຖິງການເຊື່ອຖືສາສະໜາ, ສະພາບສາສະໜາກໍຄືຊີວິດໃນການເຫຼື້ອມໄສສາສະໜາຂອງແຕ່ລະຝ່າຍ. ທ່ານຮອງລັດຖະມົນຕີ Pham Dung ເນັ້ນໜັກວ່າ, ລັດຖະບານຫວຽດນາມ ເຄົາລົບ ແລະ ຮັບປະກັນສິດເສລີໃນການເຊື່ອຖືສາສະໜາຂອງປະຊາຊົນ, ຍາມໃດກໍໜູນຊ່ວຍ ແລະ ສ້າງເງື່ອນໄຂຊ່ວຍເຫຼືອບັນດາອົງການສາສະໜາ. ພັກ ແລະ ລັດຫວຽດນາມ ໄດ້ມີບັນດານະໂຍບາຍສາສະໜາທີ່ຖືກຕ້ອງ, ເປີດເຜີຍ, ເຄົາລົບ, ປົກປ້ອງສິດເສລີໃນການເຫຼື້ອມໄສສາສະໜາຂອງປະຊາຊົນ.