ຄະນະຜູ້ແທນ ດູມາແຫ່ງຊາດລັດເຊຍມາຢ້ຽມຢາມຫວຽດນາມ
ພາບປະກອບ
(vovworld) – ຍາມໃດຫວຽດນາມ ກໍ່ຖືເປັນສຳຄັນສາຍພົວພັນຮ່ວມມືຢ່າງຮອບດ້ານກັບສະຫະພັນລັດເຊຍ, ແລະ ຖືລັດເຊຍເປັນຄູ່ຮ່ວມມືທີ່ສຳຄັນອັນດັບໜຶ່ງໃນນະໂຍບາຍການຕ່າງປະເທດ. ນັ້ນແມ່ນຄຳຢັ້ງຢືນຂອງທ່ານຮອງປະທານສະພາແຫ່ງຊາດຫວຽດນາມ ອວງຈູລືວ ທີ່ການເຈລະຈາເມື່ອວັນທີ 23/12 ຢູ່ຮ່າໂນ້ຍ ກັບທ່ານຮອງປະທານຜູ້ທີໜຶ່ງດູມາແຫ່ງຊາດລັດເຊຍ (ສະພາຕຳ່ລັດເຊຍ) Ivan Melnikov ທີ່ພວມຢູ່ຢ້ຽມຢາມຫວຽດນາມ. ທີ່ການເຈລະຈາ, ສອງຝ່າຍຖືວ່າ, ໄລຍະຈະມາເຖິງ, ຄວນຕັ້ງໜ້າຜັນຂະຫຍາຍຂໍ້ຕົກລົງຕ່າງໆທີ່ໄດ້ຮັບການລົງນາມ, ສືບຕໍ່ແລກປ່ຽນຄະນະຜູ້ແທນຂັ້ນສູງ, ຂັ້ນກຳມາທິການ, ກຸ່ມສະມາຊິກສະພາແຫ່ງຊາດມິດຕະພາບ, ເພີ່ມທະວີການແລກປ່ຽນ, ແບ່ງປັນບົດຮຽນໃນການເຄື່ອນໄຫວຂອງສະພາແຫ່ງຊາດ, ສົມທົບກັນຢ່າງແໜ້ນແຟ້ນ, ເພີ່ມທະວີການພົບປະນອກກອງປະຊຸມພາກພື້ນ ແລະ ສາກົນ. ສອງຝ່າຍກໍ່ເຫັນດີ ເພີ່ມທະວີການຮ່ວມມືລະຫວ່າງສອງອົງການນິຕິບັນຍັດກວ່າອີກ, ສ້າງສະພາບແວດລ້ອມດ້ານກົດໝາຍທີ່ສະດວກສະບາຍ ເພື່ອໃຫ້ວິສາຫະກິດສອງປະເທດຊຸກຍູ້ການພົບປະແລກປ່ຽນ, ສົ່ງເສີມດ້ານການຄ້າ, ການລົງທຶນນຳກັນ.