ທ່ານພົນໂທ ຟານວັນຢາງ, ຫົວໜ້າກອງເສນາທິການໃຫຍ່ກອງທັບປະຊາຊົນ ຫວຽດນາມ

ໂດຍໄດ້ຮັບຄຳເຊີນຂອງຜູ້ບັນຊາການກຳລັງປ້ອງກັນຊາດ ມາເລເຊຍ, ພົນເອກ Tan Sri Raja Mohames Affandi, ຄະນະຜູ້ແທນການທະຫານຂັ້ນສູງກອງທັບປະຊາຊົນຫວຽດນາມ ໂດຍທ່ານພົນໂທ ຟານວັນຢາງ, ຫົວໜ້າກອງເສນາທິການໃຫຍ່ກອງທັບປະຊາຊົນ ຫວຽດນາມ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ນຳໜ້າ ໄດ້ໄປຢ້ຽມຢາມມິດຕະພາບມາເລເຊຍ ຢ່າງເປັນທາງການ ໃນລະຫວ່າງວັນທີ 04 – 06 ມີນາ. ໃນການຢ້ຽມຢາມຄັ້ງນີ້, 2 ຝ່າຍໄດ້ພ້ອມກັນແລກປ່ຽນບັນດາບັນຫາສາກົນ ແລະ ພາກພື້ນເຊິ່ງຕ່າງຝ່າຍຕ່າງມີຄວາມສົນໃຈ, ຕີລາຄາຄືນໝາກຜົນຂອງການຮ່ວມມືລະຫວ່າງ 2 ກອງທັບໃນໄລຍະຜ່ານມາ; ເປັນເອກະພາບມາດຕະການຊຸກຍູ້ການຮ່ວມມືໃນໄລຍະຈະມາເຖິງ, ໃນນັ້ນມີການຜັນຂະຫຍາຍໝາກຜົນການຢ້ຽມຢາມມາເລເຊຍ ຢ່າງເປັນທາງການເມື່ອປີ 2016 ຂອງທ່ານລັດຖະມົນຕີກະຊວງປ້ອງກັນປະເທດຫວຽດນາມ, ປະກອບສ່ວນໃຫ້ແກ່ການພົວພັນຮ່ວມມືດ້ານປ້ອງກັນຊາດລະຫວ່າງ 2 ປະເທດໃຫ້ນັບມື້ນັບມີປະສິດທິຜົນ, ແທດຈິງ ໃຫ້ທຽບເທົ່າກັບການພົວພັນຄູ່ຮ່ວມມືຍຸດທະສາດລະຫວ່າງ 2 ປະເທດຫວຽດນາມ ແລະ ມາເລເຊຍ.