ທ່ານດີງເທຮີງ, ຫົວຫນ້າຄະນະໂຄສະນາສຶກສາສູນກາງ ແລະ ຄະນະ ຜູ້ແທນຂັ້ນ​ສູງ​ຄະນະ​ແນວ​ຄິດ​ສູນ​ກາງ​ພັກ​ກອມ​ມູນິດ ກູ​ບາ ພາບ:internet

(vovworld)- ຕອນ​ບ່າຍ​ວັນ​ທີ 18/9, ທ່ານ​ນາງ ຫງວຽນ​ທິທູ​ຮ່າ, ຮອງ​ເລຂາ​ຄະນະ​ພັກ​ນະຄອນ​​ໂຮ່ຈິ​ມີນ ​ໄດ້​ໃຫ້ການ​ຕ້ອນຮັບ​ຄະນະ​ຜູ້​ແທນ​ຂັ້ນ​ສູງ​ຄະນະ​ແນວ​ຄິດ​ສູນ​ກາງ​ພັກ​ກອມ​ມູນິດ ກູ​ບາ ​ໂດຍ​ທ່ານ Rolando Alfonso Borges, ກຳມະການ​ສູນ​ກາງ​ພັກ, ຫົວຫນ້າ​ຄະນະ​ແນວ​ຄິດ​ສູນ​ກາງ​ນຳ​ຫນ້າ ພວມ​ຢ້ຽມຢາມ ​ແລະ ​ເຮັດ​ວຽກ​ຢູ່ ຫວຽດນາມ.​ທ່ານ​ນາງ ຫງວຽນ​ທິທູ​ຮ່າ ຖື​ວ່າ: ການ​ຢ້ຽມຢາມ​ແລະ ​ເຮັດ​ວຽກ​ຢູ່​ຫວຽດນາມ ຂອງ​ຄະນະ ​ແມ່ນ​ມີ​ຄວາມ​ໝາຍທີ່​ສຸດ ​​ເພາະວ່າມັນດຳເນີນໄປ​ກົງ​ກັບ​ໂອກາດ​ຫວຽດນາມ ພວມ​ຈັດຕັ້ງບັນດາ​ການ​ເຄື່ອນ​ໄຫວ​ສະ​ເຫລີ​ມສະຫລອງ 40 ປີ​ແຫ່ງວັນທີ່ທ່ານ​ປະທານ Fidel Castro ມາຢ້ຽມຢາມ​ເຂດ​ປົດ​ປ່ອຍ ພາກ​​ໃຕ້​ຫວຽດນາມ.  ທ່ານ​ນາງ ຫງວຽນ​ທິທູ​ຮ່າ, ຮອງ​ເລຂາ​ຄະນະ​ພັກ​ນະຄອນ​​ໂຮ່ຈິ​ມີນ ອວຍພອນ​ບັນດາຜົນງານ​ໃນ​ເບື້ອງ​ຕົ້ນ​ຊື່​ງພັກ​ກອມ​ມູນິດ ກູ​ບາ ກໍ​ຄື​ປະຊາຊົນ​ກູ​ບາ ຍາດ​ມາ​ໄດ້ ​ໃນ​ວິວັດ​ການ​ຜັນຂະຫຍາຍ​ຮູບ​ແບບ​ພັດທະນາ​ເສດຖະກິດ. ​ໃນ​ການ​ຢ້ຽມຢາມ​ຄັ້ງ​ນີ້ ນະຄອນ​ໂຮ່ຈິ​ມີນ ​ໄດ້​ມອບ​ໃຫ້​ແຂວງ Santiago de Cuba ​ເຂົ້າສານ 1.000 ​ໂຕນ ​ແລະ ຄອມ​ພິວ​ເຕີ 100 ຫນ່ວຍ ​ເພື່ອ​ຫລຸດຜ່ອນ​ຄວາມ​ຫຍຸ້ງຍາກ​​ສ່ວນໃດສ່ວນຫນຶ່ງໃຫ້​ແກ່​ປະຊາຊົນໂດຍ​ທຳ​ມະ​ຊາດ​ກໍ່​ຂຶ້ນ.