ຄະນະຜູ້ແທນສານປະຊາຊົນສູງສຸດຫວຽດນາມຢ້ຽມຢາມສເກົາຫຼີ
(ພາບ: tintuc)
(vovworld) - ໂດຍຮັບຄຳເຊີນຂອງຫົວໜ້າສານສູງສຸດ ສເກົາຫຼີ Yang Sung-tae, ຄະນະຜູ້ແທນຂັ້ນສູງສານປະຊາຊົນສູງສຸດ ຫວຽດນາມ, ໂດຍທ່ານ ຫງວຽນຮ່ວາບິ່ງ, ເລຂາສູນກາງພັກ, ຫົວໜ້າສານປະຊາຊົນສູງສຸດນຳໜ້າພວມຢ້ຽມຢາມ ສເກົາຫຼີ ຢ່າງເປັນທາງການແຕ່ວັນທີ 12-17/12, ເພື່ອແນໃສ່ເພີ່ມທະວີສາຍພົວພັນມິດຕະພາບ ແລະ ປຶກສາຫາລືທິດທາງຮ່ວມມືລະຫວ່າງສອງຝ່າຍໃນຕໍ່ໜ້າ. ທີ່ການເຈລະຈາໃນວັນທີ 12/12 ກັບທ່ານ Yang Sung-tae ຢູ່ນະຄອນຫຼວງ ເຊີອູນ, ທ່ານ ຫງວຽນຮ່ວາບິ່ງ ຂອບອົກຂອບໃຈລັດຖະບານ, ປະຊາຊົນ, ອົງການຮ່ວມມືສາກົນ ສເກົາຫຼີ (KOICA) ແລະ ສານສູງສຸດ ສເກົາຫຼີ ທີ່ໄດ້ຕັ້ງໜ້າໜູນຊ່ວຍການເພີ່ມທະວີຄວາມສາມາດໃຫ້ສະຖາບັນສານ ຫວຽດນາມ ຢ່າງຕັ້ງໜ້າ, ຜ່ານສອງໄລຍະຂອງໂຄງການ “ເພີ່ມທະວີຄວາມສາມາດໃຫ້ໂຮງຮຽນພະນັກງານສານ“ ດ້ວຍຍອດຈຳນວນທຶນ ODA , ຊ່ວຍບຳລຸງສ້າງຜູ້ພິພາກສາ ແລະ ພະນັກງານຂະແໜງສານ ຫວຽດນາມ. ທ່ານຕີລາຄາວ່າ, ນີ້ແມ່ນໜຶ່ງໃນບັນດາໂຄງການໜູນຊ່ວຍດ້ານເຕັກນິກທີ່ບັນລຸປະສິດທິຜົນສູງສຸດຂອງສານປະຊາຊົນສູງສຸດ ຫວຽດນາມ.
ສ່ວນທ່ານຫົວໜ້າສານສູງສຸດ ສເກົາຫຼີ Yang Sung-tae ກໍ່ຖືວ່າ, ການຢ້ຽມຢາມຄັ້ງນີ້ຂອງຄະນະຜູ້ແທນຂັ້ນສູງສານປະຊາຊົນສູງສຸດ ຫວຽດນາມ ສະແດງໃຫ້ເຫັນການພັດທະນາໃນສາຍພົວພັນລະຫວ່າງຂະແໜງສານຂອງສອງປະເທດ.