ການປະຊຸມແບບທາງໄກ ກະກຽມບັນດາເອກະສານທີ່ຈະຍື່ນສະເໜີຕໍ່ APPF-29 (ພາບ: quochoi.vn)

ຕອນບ່າຍວັນທີ 08 ພະຈິກ, ຢູ່ຮ່າໂນ້ຍ, ຄະນະສະມາຊິກສະພາແຫ່ງຊາດ ຫວຽດນາມ ໂດຍທ່ານປະທານກຳມາທິການການຕ່າງປະເທດຂອງສະພາແຫ່ງຊາດ ຫວຽດນາມ ຫວູຫາຍຮ່າ ນຳໜ້າ, ໄດ້ເຂົ້າຮ່ວມການປະຊຸມແບບທາງໄກ ກະກຽມບັນດາເອກະສານທີ່ຈະຍື່ນສະເໜີຕໍ່ກອງປະຊຸມປະຈຳປີເວທີປາໄສລັດຖະສະພາອາຊີ - ປາຊີຟິກ ຄັ້ງທີ 29 (APPF-29) ໂດຍສະພາແຫ່ງຊາດ ສ.ເກົາຫຼີ ເປັນເຈົ້າພາບຈັດຂຶ້ນໃນເດືອນ ທັນວາ ຈະມາເຖິງ. ການປະຊຸມແບບທາງໄກດຳເນີນໃນລະຫວ່າງວັນທີ 08 – 19 ພະຈິກ.

        ຄະນະຜູ້ແທນ ຫວຽດນາມ ໄດ້ເປັນເຈົ້າພາບສ້າງ ແລະ ສະເໜີຮ່າງມະຕິ 2 ສະບັບຄື: ຮ່າງມະຕິກ່ຽວກັບ “ການເພີ່ມທະວີບົດບາດຂອງລັດຖະສະພາໃນການຊຸກຍູ້ເສດຖະກິດດີຈີຕອນ” ແລະ “ແມ່ຍິງ, ສັນຕິພາບ, ຄວາມໝັ້ນຄົງ ແລະ ການຮ່ວມມື ຟື້ນຟູພາຍຫຼັງໂລກລະບາດໂຄວິດ-19”.

        ຫວຽດນາມ ກໍ່ຮ່ວມອຸປະຖຳຮ່າງມະຕິ 4 ສະບັບຄື: ມະຕິກ່ຽວກັບການຊຸກຍູ້ເສດຖະກິດດີຈີຕອນ ແລະ ເພີ່ມທະວີການເຊື່ອມຕໍ່; ມະຕິກ່ຽວກັບການເພີ່ມທະວີການເຊື່ອມໂຍງດ້ານເສດຖະກິດ ແລະ ຫັນການຄ້າເປັນສະດວກ ; ມະຕິກ່ຽວກັບການຊຸກຍູ້ຄວາມສະເໝີພາບລະຫວ່າງຍິງ-ຊາຍ ຜ່ານການເພີ່ມທະວີການເຂົ້າຮ່ວມ ແລະ ຕາງໜ້າຂອງແມ່ຍິງ; ມະຕິກ່ຽວກັບການຊຸກຍູ້ການຮັບມືກັບໂລກລະບາດໂຄວິດ-19 ຮັບປະກັນປັດໃນທາງເພດ ແລະ ການຟື້ນຟູພາຍຫຼັງໂລກລະບາດ. ຮ່າງມະຕິ 4 ສະບັບຕ່າງໆດັ່ງກ່າວແມ່ນເພື່ອແນໃສ່ປະກອບສ່ວນຊຸກຍູ້ການຮ່ວມມືລັດຖະສະພາຢູ່ພາກພື້ນ ອາຊີ - ປາຊີຟິກ, ຊຸກຍູ້ການຮ່ວມມື APEC, ເພື່ອສັນຕິພາບ, ສະຖຽນລະພາບ ແລະ ການພັດທະນາ ຟື້ນຟູພາຍຫຼັງໂລກລະບາດໂຄວິດ-19.