(VOVWORLD) - ຄາດຄະເນລະດັບເຕີບໂຕ GDP ປີ 2017 ຈະບັນລຸໄດ້ 6,7%. ນີ້ແມ່ນຄຳຢືນຢັນຂອງ ທ່ານ ມາຍຕ໋ຽນຢູງ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ທີ່ການປະຊຸມຂ່າວລັດຖະບານນັດສະມັນໃນວັນທີ 30 ສິງຫາ, ຢູ່ຮ່າໂນ້ຍ.
 ການປະຊຸມຂ່າວລັດຖະບານນັດສະມັນໃນວັນທີ 30 ສິງຫາ (ພາບ: VGP) |
ຕາມລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ມາຍຕ໋ຽນຢູງ ແລ້ວ, ເພື່ອບັນລຸລະດັບເຕີບໂຕໃຫ້ໄດ້ 6,7%, ກະສິກຳຕ້ອງເຕີບໂຕ 3,05%. ຫວ່າງແລ້ວນີ້, ຜົນສະທ້ອນຈາກຝົນຕົກ, ລົມພາຍຸ, ນ້ຳແກ່ງ ເຖິງຂະແໜງກະສິກຳບໍ່ໜັກຄືໃນປີ 2016. ມາຮອດປະຈຸບັນ, ການເພີ່ມປະລິມານການຜະລິດສິນໃນນຳ້, ລ້ຽງສັດແມ່ນດີພໍສົມຄວນ. ປະລິມານການຜະລິດ ຜະລິດຕະພັນກະເສດ, ໝາກໄມ້ ບັນລຸລະດັບສູງພໍສົມຄວນ. ຕາມການຄາດຄະເນແມ່ນ 33 ຕື້ ໂດລາສະຫະລັດແຕ່ມາຮອດປະຈຸບັນສາມາດບັນລຸໄດ້ 35 ຕື້ ໂດລາສະຫະລັດ. ກ່ຽວກັບອຸດສະຫະກຳ, ເຖິງວ່າການຂຸດຄົ້ນແຮ່ທາດຫຼຸດລົງເຫຼືອພຽງ 6,9% ກໍ່ຕາມແຕ່ການຜະລິດ, ປະດິດສ້າງ, ປຸງແຕ່ງພັດເພີ່ມຂຶ້ນເມື່ອທຽບໃສ່ໄລຍະດຽວກັນຂອງປີກາຍ. ສ່ວນການບໍລິການ, ກຳລັງຊື້ຂອງສະກຸນເງິນແມ່ນດີກວ່າໃນຂະນະທີ່ທຶນສິນເຊື່ອພັດເພີ່ມສູງກວ່າ, ອັດຕາດອກເບ້ຍຫຼຸດລົງ, ລາຍຈ່າຍຕອບສະໜອງການບໍລິໂພກ ອຸປະໂພກຫຼຸດລົງ. ເພື່ອສຳເລັດຄາດໝາຍເຕີບໂຕ GDP ປີ 2017 ໃຫ້ໄດ້, ທ່ານ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ມາຍຕ໋ຽນຢູງ ໃຫ້ຮູ້ວ່າ:
ທ່ານນາຍົກລັດຖະມົນຕີຊີ້ນຳຕ້ອງຍູ້ໄວຄວາມຄືບໜ້າປ່ອຍສິນເຊື່ອ, ສຸມໃສ່ການລົງທຶນເຂົ້າບັນດາໂຄງການທີ່ພວມກໍ່ສ້າງເພື່ອນຳເຂົ້າໃຊ້ການຢ່າງມີປະສິດທິຜົນ, ສືບຕໍ່ຫຼຸດອັດຕາດອກເບ້ຍລົງ 0,5% ນັບແຕ່ປະຈຸບັນເຖິງທ້າຍປີ, ສືບຕໍ່ເຕີບໂຕບ້ວງສິນເຊື່ອແຕ່ 21 – 22%. ຄວາມຄືບໜ້າໃນການປ່ອຍທຶນ ODA, ປ່ອຍທຶນງົບປະມານແຫ່ງລັດໃນຊຸມເດືອນທ້າຍປີຈະດີກວ່າຫຼາຍ. ພິເສດແມ່ນຈະສຸມໃສ່ເຂົ້າໃນການປະຕິຮູບດ້ານການບໍລິຫານ, ປັບປຸງສະພາບແວດລ້ອມແຫ່ງການລົງທຶນ, ລະບຽບການບໍລິຫານ, ກວດກາ 5.700 ກວ່າລະບຽບການດຳເນີນທຸລະກິດ. ຖ້າຫາກແກ້ໄຂບັນດາຮົ້ວກີດຂວາງນີ້ໄດ້, ພວກເຮົາຈະຮັບຜົນສຳເລັດຢ່າງແນ່ນອນ, ຮັບປະກັນເງື່ອນໄຂຕ່າງໆເພື່ອໃຫ້ວິສາຫະກິດພັດທະນາ.