ຄາດວ່າທ້າຍປີນີ້ໝາກລຳໄຍຂອງຫວຽດນາມຈະມີໜ້າຢູ່ອາເມລິກາ
(ພາບປະກອບຈາກ KT)
(vovworld) - ກ່ຽວຂ້ອງເຖິງເລື່ອງກະຊວງຊົນນະບົດອາເມລິກາ ຫາກໍ່ສະໜອງໜັງສືອະນຸຍາດໃຫ້ນຳເຂົ້າຕະຫຼາດອາເມລິກາ ໝາກລິ່ນຈີ່ ແລະ ໝາກລຳໄຍຂອງຫວຽດນາມ. ທ່ານ ຮ່ວາງຈູງ, ຮອງຫົວໜ້າກົມປົກປ້ອງພືດ (ສັງກັດກະຊວງກະສີກຳ ແລະ ພັດທະນາຊົນນະບົດຫວຽດນາມ) ໃຫ້ຮູ້ວ່າ: ນີ້ແມ່ນຂ່າວດີຂ່າວມ່ວນຂອງຊາວກະສີກອນ, ມັນບໍ່ພຽງແຕ່ເປີດກາລະໂອກາດໃຫ້ແກ່ຜູ້ປູກໝາກລິ່ນຈີ່ ແລະ ໝາກລຳໄຍເວົ້າສະເພາະເທົ່ານັ້ນ, ຫາກບັນດາຜະລິດຕະພັນກະເສດອື່ນໆເວົ້າລວມໃນການຫັນຕະຫຼາດສົ່ງອອກເປັນຫຼາຍຮູບຫຼາຍແບບອີກດ້ວຍ.
ເພື່ອຊ່ວຍຊາວກະສີກອນປູກຝັງໃຫ້ຖືກກັບຂັ້ນຕອນດ້ານເຕັກນິກ, ຕອບສະໜອງຄວາມຮຽກຮ້ອງຕ້ອງການຂອງປະເທດນຳເຂົ້າ. ກົມປົກປ້ອງພືດໄດ້ສຸມໃສ່ໜູນຊ່ວຍ ແລະ ແນະນຳວິທີບົວລະບັດ ແລະ ເຕັກນິກປູກຝັງໃຫ້ຊາວກະສີ ກອນຢູ່ເຂດປູກໝາກລິ່ນຈີ່ ແລະ ໝາກລຳໄຍ.