ຄາດວ່າເວັບໄຊກ່ຽວກັບປະທານໂຮ່ຈີມິນຈະສະເໜີຕໍ່ຜູ້ອ່ານໃນວັນທີ2/9
ທ່ານ ດິງເທ໋ຮິງ, ກຳມະການກົມການເມືອງ,
ຫົວໜ້າຄະນະໂຄສະນາສຶກສາສູນກາງ ກ່າວຄຳເຫັນທິ່ກອງປະຊຸມ
(vovworld) – ຄາດວ່າ, ເວັບໄຊກ່ຽວກັບປະທານໂຮ່ຈີມິນຈະສະເໜີຕໍ່ຜູ້ອ່ານໃນວັນທີ 2/9 - ນີ້ແມ່ນແຫຼ່ງຂ່າວໄດ້ຍົກອອກມາທີ່ກອງປະຊຸມຂອງຄະນະຊ່ວຍວຽກຄະນະເລຂາສູນກາງພັກກອມມູນິດຫວຽດນາມ ເພື່ອແນໃສ່ປະຕິບັດຄຳສັ່ງເລກທີ 03 ຂອງກົມການເມືອງ ກ່ຽວກັບການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ, ຖືກຈັດຕັ້ງໃນຕອນເຊົ້າວັນທີ 14/8, ຢູ່ຮ່າໂນ້ຍ. ທີ່ກອງປະຊຸມ, ທ່ານ ດິງເທ໋ຮິງ, ກຳມະການກົມການເມືອງ, ຫົວໜ້າຄະນະໂຄສະນາສຶກສາສູນກາງ, ຊີ້ແຈ້ງວ່າ: ກ່ວາ 3 ປີແຫ່ງການຜັນຂະຫຍາຍ, ການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈີມິນ ພວມ ກ້າວເຂົ້າສູ່ລະບຽບ, ປະກອບສ່ວນເຂົ້າໃນການກໍ່ສ້າງພັກປອດໄສ, ໝັ້ນຄົງເຂັ້ມແຂງ. ພ້ອມກັບການປະຕິບັດມະຕິສູນກາງພັກເລກທີ 4, ຄຳສັ່ງເລກທີ 03 ກໍ່ປະກອບສ່ວນສະກັດກັ້ນ ແລະ ຍູ້ຖອຍສະພາບຊຸດໂຊມຄຸນນະທາດ, ແບບແຜນການດຳລົງຊີວິດຂອງພາກສ່ວນໜຶ່ງສະມາຊິກພັກ. ໃນຊຸມເດືອນຍັງເຫຼືອຂອງປີ, ເລື່ອງສະເໜີເວັບໄຊເອເລັກໂຕນິກກ່ຽວກັບປະທານ ໂຮ່ຈີມິນ ຄາດວ່າໃນໂອກາດວັນທີ 2/9 ແມ່ນຂໍ້ລິເລີ່ມທີ່ດີເພື່ອປະກາດກ່ຽວກັບການຮຳ່ຮຽນ ແລະ ປະຕິບັດຕາມຄຸນສົມບັດຂອງເພີ່ນເຖິງສະມາຊິກພັກ ແລະ ປະຊາຊົນເປັນຈຳນວນຫຼວງຫຼາຍ. ທ່ານ ດິງເທ໋ຮິງ, ກ່າວວ່າ:
“ເວັບໄຊເອເລກໂຕນິກກ່ຽວກັບປະທານ ໂຮ່ຈີມິນ ສຸມໃສ່ວຽກງານປະກາດກ່ຽວກັບການຍູ້ແຮງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດຂອງເພີ່ນເປັນຕົ້ນ. ຈຸດໝາຍແມ່ນໂຄສະນາ, ເຜີຍແຜ່, ປຸກລະດົມການປະຕິບັດຕາມຄຳສັ່ງເລກທີ 03. ແຫຼ່ງຂ່າວໃນເວັບໄຊນີ້ແມ່ນຊັດເຈນ, ດຶງດູດ ແລະ ອັບເດດຂ່າວໃໝ່ເພື່ອດຶງດູດຜູ້ເຂົ້າອ່ານເປັນຈຳນວນຫຼາຍ, ມີພະລັງຊີວິດ, ມີກຳລັງແຜ່ຂະຫຍາຍ”