ລາຍການສະແດງສິລະປະໃນຂອບເຂດງານ Festival ທະ​ເລ​ 2012 (ພາບ : khanhhoa.gov.vn)

Vovworld- ງານ Festival ທະ​ເລ​ຍາ​ຈາງ-ແຄ້ງ​ຮ່ວາປີ 2013 ລວມມີ​ການ​ເຄື່ອນ​ໄຫວ 64 ຢ່າງ ຖືກ​ດຳ​ເນີນ​ໃນ​ລະຫວ່າງວັນ​ທີ 8 ຫາ​ວັນ 11/6/2013, ​ໃນ​ນັ້ນ​ມີ​ການ​ເຄື່ອນ​ໄຫວ​ຫຼາຍ​ຢ່າງ​ທີ່​ມຸ່ງ​ໄປ​ສູ່​ເມືອງ​ເກາະ​ເຈືອງ​ຊາ​ເວົ້າ​ສະ​ເພາະ ​ແລະ ​ເຂດ​ທະ​ເລ​ໝູ່​ເກາະ​ຂອງ​ປະ​ເທດ​ຊາດ​ເວົ້າ​ລວມ. ທ່ານ ​ເຈືອງ​ດັງ​ຕວຽນ ຫົວໜ້າ​ພະ​ແນ​ກວັດທະນະທຳ ກິລາ ​ແລະ ທ່ອງ​ທ່ຽວ​ແຂວງ​ແຄ້ງ​ຮ່ວາ​ ​ໄດ້​ໃຫ້​ຮູ້​ເມື່ອ​ວັນ​ທີ 16/5 ຢູ່​ທີ່​ການ​ປະຊຸມ​ຄະນະ​ຊີ້​ນຳ ງານ Festival ທະ​ເລ​ຍາ​ຈາງ-ແຄ້ງ​ຮ່ວາປີ 2013. ຕາມ​ທ່ານ​ ເຈືອງ​ດັງ​ຕວຽນ ແລ້ວ, ບັນດາ​ການ​ເຄື່ອນ​ໄຫວລວມມີ ສັບປະດາ​​ເຂດທະ​ເລ ​ແລະ ໝູ່ເກາະຫວຽດນາມ, ງານ​ມະ​ໂຫລານ​ບັນດາ​ກອງ​ໂຄສະນາ​ຊາວ​ໜຸ່​ມກ່ຽວ​ກັບ​ອະທິປະ​ໄຕ ເຂດທະ​ເລ ​ແລະ ໝູ່ເກາະຫວຽດນາມ, ງາ​ນບຸນ ກາ​ເຟມຸ່ງ​ໄປ​ສູ່ ເຂດທະ​ເລ ​ແລະ ໝູ່ເກາະຫວຽດນາມ; ການ​ສະໜັບສະໜູນ​ກອງ​ທຶນ​ເພື່ອ​ເຈືອງ​ຊາ​ທີ່​ຮັກ​ແພງ............ພິ​ເສດ​ໃນ​ຂອບ​ເຂດ ງານ Festival ຄັ້ງ​ນີ້, ຄະນະ​ກຳມະການ​ປະຊາຊົນ​ແຂວງ​ແຄ້ງ​ຮ່ວາ ຍັງ​ໄດ້​ດຳ​ເນີນ​ພິທີ​ມອບ​ລາງວັນ “ ການ​ເສັງ​ແຕ່ງ​ບົດ​ໜັງສືພິມ, ​ເພງ​ກ່ຽວ​ກັບ​ເຈືອງ​ຊາ ​ແລະ ເຂດທະ​ເລ ​ແລະ ໝູ່ເກາະ​ແຂວງ​ແຄ້ງ​ຮ່ວາ ” .