ພາບປະກອບ: VOV

ແຂວງແຄງຮ່ວາ ພວມດຳເນີນວຽກງານກະກຽມຈັດງານມະໂຫລາມ ການທ່ອງທ່ຽວທະເລ ຍາຈາງ ຄັ້ງທີ II ປີ 2024, ຄາດວ່າ ຈະດຳເນີນໃນລະຫວ່າງວັນທີ 13 – 16 ມິຖຸນາ ຈະມາເຖິງ. ວັນທີ 6 ມີນາ ທ່ານນາງ ຫງວຽນທິເລະແທັງ, ຫົວໜ້າພະແນກການທ່ອງທ່ຽວແຄງຮ່ວາ, ໃຫ້ຮູ້ວ່າ: ງານມະໂຫລາມ ມີຮ້ານວາງສະແດງການທ່ອງທ່ຽວ, ການຄ້າ, ອາຫານການກິນ ປະມານ 200 ຮ້ານ ພ້ອມກັບຫຼາຍການເຄື່ອນໄຫວທີ່ມີຂອບຂະໜາດໃຫຍ່, ເປັນຫຼາຍຮູບແບບ ເໝາະສົມກັບຫົວຂໍ້ “ອ່າວຍົກ ຍາຈາງ ປະກາຍແຈ້ງ”.

ຄາດວ່າ ງານມະໂຫລານ ຈະດຶງດູດແຂກທ່ອງທ່ຽວກ່ວາ 150.000 ເທື່ອຄົນມາທ່ຽວ, ຊອກຮູ້ ແລະ ສັ່ງຊື້ບັນດາຜະລິດຕະພັນ, ນຳໃຊ້ບັນດາການບໍລິການຢູ່ເຫດການ. ນີ້ແມ່ນໂອກາດເພື່ອໃຫ້ບັນດາຫົວໜ່ວຍ, ວິສາຫະກິດທົ່ວປະເທດ ສົ່ງເສີມການໂຄສະນາພາບພົດ, ເຄື່ອງໝາຍການຄ້າ, ຜະລິດຕະພັນການບໍລິການ ແລະ ເຊື່ອມຕໍ່ຮ່ວມມື ພ້ອມກັນພັດທະນາໃນໄລຍະຈະມາເຖິງ.