ງານວາງສະແດງສາກົນ ກ່ຽວກັບເຕັກໂນໂລຢີຄວາມຮ້ອນ - ເຄື່ອງເຢັນ, ຫ້ອງປອດເຊື້ອ ແລະ ໂຮງງານເຕັກໂນໂລຢີສູງ  Cleanfact & Resat Expo 2023 ຈະດຳເນີນແຕ່ວັນທີ 26 ຕຸລາ - 28 ຕຸລາ ຢູ່ນະຄອນ ຕື່ເຊີນ, ແຂວງ ບັກນິງ. ງານວາງສະແດງໂດຍສະມາຄົມວິທະຍາສາດເຕັກນິກ ຄວາມເຢັນ ແລະ ເຄື່ອງປັບອາກາດ ຫວຽດນາມ (VISRAE), ບໍລິສັດຫຸ້ນສ່ວນເຕັກໂນໂລຢີ ແລະ ການລົງທຶນ INTECH, ບໍລິສັດຫຸ້ນສ່ວນເຄື່ອງໝາຍການຄ້າ ແລະ ປະຊາສຳພັນສາກົນ IBC ພ້ອມກັນຈັດຂຶ້ນ. ນີ້ແມ່ນໜຶ່ງໃນບັນດາລະບົບເຫດການໃຫຍ່ທີ່ສຸດນັບແຕ່ກ່ອນມາຮອດປັດຈຸບັນຢູ່ ຫວຽດນາມ ໃນຂົງເຂດຫ້ອງປອດເຊື້ອ, ເຕັກໂນໂລຢີຄວາມຮ້ອນ - ເຄື່ອງເຢັນ, ໂຮງງານເຕັກໂນໂລຢີສູງ.

ງານວາງສະແດງມີຫ້າງຮ້ານທັງໝົດກວ່າ 200 ຮ້ານ ເຊິ່ງມາຈາກກວ່າ 100 ຫົວໜ່ວຍ ມາວາງສະແດງ, ແນະນຳບັນດາຜົນງານ, ເຕັກໂນໂລຢີທັນສະໄໝທີ່ສຸດໃນຂົງເຂດດັ່ງກ່າວ.

Cleanfact&Resat Expo 2023 ຍັງຈັດກອງປະຊຸມສຳມະນາ ແລະ ຫຼາຍລາຍການແບ່ງປັນ, ພົວພັນເຊື່ອມຕໍ່, ເປັນຕົ້ນແມ່ນ: ເວທີປາໄສປະຈຳປີ ອາຊຽນ 5 + J ຄັ້ງທີ 5 ຂອງສະພາເຄື່ອງເຢັນ ແລະ ເຄື່ອງປັບອາກາດຂອງ 5 ປະເທດ ອາຊຽນ (ເຊິ່ງລວມມີ ຫວຽດນາມ, ໄທ, ມາເລເຊຍ, ຟີລິບປິນ, ອິນໂດເນເຊຍ) ແລະ ສະຫະສະມາຄົມຂະແໜງອຸດສາຫະກຳເຄື່ອງເຢັນ ແລະ ເຄື່ອງປັບອາກາດ ຍີ່ປຸ່ນ (JRAIA); ກອງປະຊຸມສໍາມະນາ ກ່ຽວກັບ “ນະໂຍບາຍຂອງລັດ ກ່ຽວຂ້ອງເຖິງການພັດທະນາຂອງຂະແໜງເຄື່ອງເຢັນ ແລະ ເຄື່ອງປັບອາກາດ”; ເວທີປາໄສເຕັກໂນໂລຢີຫ້ອງປອດເຊື້ອ ປີ 2023…