ງານວາງສະແດງສາກົນຄັ້ງທີ 12 ກ່ຽວກັບເຕັກໂນໂລຊີ ແລະ ອຸປະກອນໄຟຟ້າ ETE 2019 ແລະ ງານວາງສະແດງສາກົນຄັ້ງທີ 9 ເຕັກໂນໂລຊີ, ຜະລິດຕະພັນປະຢັດພະລັງງານ ແລະ ພະລັງງານຂຽວ - Enertec Expo 2019 ຈະດໍາເນີນໃນລະຫວ່າງວັນທີ 17 – 20 ກໍລະກົດ 2019 ຢູ່ສູນວາງສະແດງສິນຄ້າ ໄຊງ່ອນ - SECC, ນະຄອນໂຮ່ຈີມິນ.

        ງານວາງສະແດງຄັ້ງນີ້ ໄດ້ດຶງດູດການເຂົ້າຮ່ວມຂອງວິສາຫະກິດເກືອບ 400 ແຫ່ງ, ດ້ວຍຮ້ານວາງສະແດງສິນຄ້າກວ່າ 550 ຮ້ານ ຈາກບັນດາເຄື່ອງໝາຍການຄ້າ ແລະ ວິສາຫະກິດແຖວໜ້າຂອງຫວຽດນາມ ແລະ ວິສາຫະກິດຫຼາຍແຫ່ງທີ່ມາຈາກບັນດາປະເທດຄື ເຢຍລະມັນ, ຝລັ່ງ, ອາເມລິກາ, ຊູແອັດ, ແຟງລັງ, ຍີ່ປຸ່ນ, ສ.ເກົາຫຼີ, ຈີນ...

        ໃນຂອບເຂດງານວາງສະແດງສິນຄ້າຄັ້ງນີ້ ຈະດໍາເນີນກອງປະຊຸມສໍາມະນາສາກົນ ດ້ວຍຫົວຂໍ້ “ຍຸດທະສາດພັດທະນາພະລັງງານຂຽວ ແລະ ປະຢັດພະລັງງານຂອງຫວຽດນາມ ຮອດປີ 2020 – 2030”. ນອກຈາກນັ້ນ, ຍັງມີີບັນດາການເຄື່ອນໄຫວເຊື່ອມຕໍ່ການແລກປ່ຽນຄ້າຂາຍ ເຊິ່ງຈະຖືກຈັດຂຶ້ນຢ່າງຕໍ່ເນື່ອງໃນຊຸມວັນດໍາເນີນງານວາງສະແດງ.