ງານວາງສະແດງແຜນທີ່,ເອກະສານຮ່ວາງຊາ,ເຈື່ຶອງຊາຂອງຫວຽດນາມ
ວາງສະແດງວັດຖຸເອກະສານ “ຮ່ວາງຊາ, ເຈື່ອງຊາຂອງ ຫວຽດນາມ
ດ້ວຍບັນດາຫຼັກຖານປະຫວັດສາດ ແລະ ນິຕິກຳ” ປີ 2016
(ພາບ: tuyengiao.vn)
(vovworld) - ວັນທີ 14/04, ພະແນກຖະແຫຼງຂ່າວ ແລະ ສື່ສານແຂວງ ຮ່ວາບີງ ສົມທົບກັບຄະນະກຳມະການປະຊາຊົນນະຄອນ ຮ່ວາບີງ ຈັດຕັ້ງງານວາງສະແດງແຜນທີ່ ແລະ ວາງສະແດງວັດຖຸເອກະສານ “ຮ່ວາງຊາ, ເຈື່ອງຊາຂອງ ຫວຽດນາມ - ດ້ວຍບັນດາຫຼັກຖານປະຫວັດສາດ ແລະ ນິຕິກຳ” ປີ 2016. ງານວາງສະແດງ ເພື່ອແນໃສ່ຊ່ວຍບັນດາພະນັກງານ, ນັກຮົບ, ປະຊາຊົນບັນດາເຜົ່າແຂວງ ຮ່ວາບີງ ມີຄວາມເຂົ້າໃຈຢ່າງຖືກຕ້ອງກ່ຽວກັບສະພາບການຢູ່ທະເລຕາເວັນອອກໃນປະຈຸບັນ ກໍ່ຄືບັນດາລັດຖະນະໂຍບາຍ, ຄວາມປາດຖະໜາຂອງພັກ, ລັດ ແລະ ປະຊາຊົນ ຫວຽດນາມ ໃນການຮັກສາສັນຕິພາບ, ສະຖຽນລະພາບຢູ່ທະເລຕາເວັນອອກ ເພື່ອພັດທະນາປະເທດຊາດ. ພ້ອມກັນນັ້ນ ງານວາງສະແດງຍັງປະກອບສ່ວນຍົກສູງນ້ຳໃຈຄວາມສາມັກຄີ, ຄວາມຮັບຜິດຊອບຂອງພະນັກງານ, ສະມາຊິກພັກ ແລະ ປະຊາຊົນທຸກຊັ້ນວັນນະໃນເລື່ອງປົກປັກຮັກສາອະທິປະໄຕທະເລໝູ່ເກາະສັກກະລະບູຊາຂອງປະເທດຊາດໄວ້ຢ່າງໝັ້ນຄົງ.
ງານວາງສະແດງແນະນຳເອກກະສານອັນລ້ຳຄ່າຫລາຍຢ່າງ, ພິເສດແມ່ນບັນດາປື້ມເອກະສານ, ຮູບແຕ້ມ, ແຜນທີ່ທີ່ກ່ຽວຂ້ອງເຖິງ ຮ່ວາງຊາ, ເຈື່ອງຊາ ຜ່ານໄລຍະປະຫວັດສາດຕ່າງໆຂອງປະເທດຊາດ ຫວຽດນາມ, ເຊິ່ງໄດ້ເກັບໂຮມຢູ່ພາຍໃນປະເທດ ແລະ ຫລາຍປະເທດໃນທົ່ວໂລກ. ຜ່ານນັ້ນ ຢັ້ງຢືນຫຼັກຖານປະຫວັດສາດ ແລະ ພື້ນຖານນິຕິກຳທີ່ພິສູດໃຫ້ເຫັນອະທິປະໄຕຂອງ ຫວຽດນາມ ສຳລັບ 2 ໝູ່ເກາະ ເຈື່ອງຊາ ແລະ ຮ່ວາງຊາ.