(vovworld) – ​ໃນ​ການ​ພົບ​ປະກັບ​ຄະນະ​ຜູ້​ຕາງໜ້າ​ພັກ​ແຮງ​ງານ ສປປ ​ເກົາຫຼີ (ຫຼື WPK) ທີ່​ພວມ​ຢູ່​ຢ້ຽມຢາມ ປັກ​ກິ່ງ ​ເມືອ​ວັນ​ທີ 23/4, ທ່ານ​ປະທານ​ປະ​ເທດຈີນ ຫູ​ຈີນ​ເທ່ົາ ​ເນັ້ນ​ໜັກ​ວ່າ: ການ​ຊຸກຍູ້​ການ​ພົວພັນ​ຮ່ວມ​ມື​ມິດຕະພາບ​ລະຫວ່າງ​ຈີນ ​ແລະ ສປປ ​ເກົາຫຼີ ຈະ​ສືບ​ຕໍ່​ແມ່ນ​ແນວ​ທາງ​ຊີ້​ນຳ​ຂອງ​ພັກ ​ແລະ ລັດຖະບານ​ຈີນ. ທ່ານ​ປະທານ​ປະ​ເທດ ຫູ​ຈີ​ນ​ເທົ່າ ​ໃຫ້​ຮູ້​ວ່າ: ຍາມ​ໃດຈີນ​​ກໍ​ຮ່ວມ​ມື​ກັບ ສປປ ​ເກົາຫຼີ, ຮັກສາ​ການ​ພົບ​ປະ​ຂັ້ນ​ສູງ​ຕ່າງໆ ​ແລະ ການ​ແລກປ່ຽນ​ລະຫວ່າງ 2 ລັດຖະບານ, ຊຸກຍູ້​ການ​ຮ່ວມ​ມື​ແທດ​ຈິງ ​ແລະ ການ​ພົວພັນ​ຖານ​ບ້ານ​ໃກ້​ເຮືອນ​ຄຽງມິດຕະພາບ​ທີ​ດີ, ຊຸກ​ຍູ້​ການ​ຕິດ​ຕໍ່ພົວພັນ, ປະສານ​ສົມທົບ​​ໃນບັນດາ​ບັນ​ຫາ​ສາກົນ ​ແລະ ພາກ​ພື້ນ, ພ້ອມ​ກັບ​ຄວາມ​ມານະ​ພະຍາຍາມ​ຮັກສາ​ສັນຕິພາບ ​ແລະ ສະຖຽນ​ລະ​ພາບ​ໃນ​ແຫຼມ​ເກົາຫຼີ, ຮັບປະກັນ​ຄວາມ​ສະຫງົບ​ປອດ​ໄພ​ອັນ​ຍາວ​ນານ​ຂອງ​ພາ​ພື້ນ ອາຊີ​ຕາ​ເວັນ​ອອກ​ສຽງ​ເໜືອ ​ແລະ ຊຸກຍູ້​ພ້ອມ​ກັນ​ພັດທະນາ.​.​. ​ໃນ​ຂະນະ​ນັ້ນ, ນຳ​ໜ້າ​ຄະນະ​ຜູ້ຕາງ​ໜ້າ WPK, ທ່ານ Kim Yong Il, ​ເລຂາຄະນະ​ບໍລິຫານ​ງານ​ສູນ​ກາງ​ພັກ​ແຮງ​ງານ ສປປ ​ເກົາຫຼີ, ຫົວໜ້າ​ຄະນະ​ພົວພັນ​ຕ່າງປະ​ເທດ WPK ​ແລະ ປະທານ​ທີ່ 1 ຄະນະ​ກຳມະການ​ປ້ອງ​ກັນ​ຊາດ​ຂອງ ສປປ ​ເກົາຫຼີ ​ໄດ້​ສ້າງ​ພື້ນຖານ​ອັນ​ໜັກ​ແໜ້ນ ​ເພື່ອ​ໃຫ້ ສປປ ​ເກົາຫຼີ ສາມາດ​ສືບ​ຕໍ່​ປະຕິບັດ​ບັນດາ​ຄວາມ​ຫວັງ​ຂອງ ອະດີດຜູ້​ນຳ Kim Il Sung ​ແລະ Kim Jong Il, ຊຸກ​ຍູ້​ພາລະກິດ​ປະຕິວັດ ​ແລະ ປະຕິ​ຮູບປະ​ເທດ​ຊາດ. ​ໄປ​ຄຽງຄູ່​ກັນ​ນັ້ນ, ທ່ານ Kim Yong Il ກໍ​ເນັ້ນ​ໜັກ​ການ​ພົວພັນ​ມິ​ຕະພາບ​ທີ່​ເປັນ​ມູນ​ເຊື້ອ​ລະຫວ່າງ 2 ພັກ​ກຳ​ອຳນາດ ​ແລະ ປະຊາຊົນ 2 ປະ​ເທດ​​ໂດຍ​ການ​ນຳ 2 ປະ​ເທດ​ລຸ້ນຕ່າງໆ ​​ໄດ້ເພີ່ມ​ພູ​ນຄູນ​ສ້າງ ຢ່າງ​ບໍ່​ຢຸດ​ຢັ້ງ. ສປປ ​ເກົາຫຼີ ຈະ​ມານະ​ພະຍາຍາມ​ເພື່ອ​ສືບ​ຕໍ່​ຊຸກຍູ້​ການ​ພົວພັນ​ນີ້​ຕະຫຼອດ​ໄປ.