(ພາບປະກອບ)
(vovworld) - ໂຄສົກກະຊວງການຕ່າງປະເທດຈີນທ່ານນາງ ຄວາຈວນຢິງ ປະກາດວ່າ ໃນຂອບເຂດຂໍ້ຕົກລົງລະຫວ່າງຂະແໜງການທູດຂອງ 2 ປະເທດ ຈີນ ແລະ ສປປ.ເກົາຫຼີ, 2 ຝ່າຍຈະດຳເນີນການສົນທະນາຍຸດທະສາດໃນວັນທີ 19/06 ຈະມາເຖິງ ຢູ່ປັກກິງ. ທ່ານຮອງລັດຖະມົນຕີການຕ່າງປະເທດຈີນ ຈາງເຢີຍຊວຍ ແລະ ທ່ານຮອງລັດຖະມົນຕີຜູ້ທີໜຶ່ງກະຊວງການຕ່າງປະເທດສປປ.ເກົາຫຼີ Kim Kye Gwan ເປັນປະທານຮ່ວມການສົນທະນາ. 2 ຝ່າຍຈະແລກປ່ຽນທັດສະນະກ່ຽວກັບການພົວພັນ 2 ຝ່າຍ ແລະ ສະພາບການໃນແຫຼມເກົາຫຼີ ກໍຄືບັນດາບັນຫາພາກພື້ນ ແລະ ສາກົນທີ່ຕ່າງຝ່ານຕ່າງມີຄວາມສົນໃຈ. ທ່ານນາງ ຄວາຈວນຢິງ ຢືນຢັນວ່າ ຍາມໃດຈີນ ກໍຮັກສາຫຼັກໝັ້ນກ່ຽວກັບຄວາມສະເໝີຕົ້ນສະເໝີປາຍກ່ຽວກັບການປອດອາວຸດນິວເຄຼຍ, ຮັກສາສັນຕິພາບ ແລະ ສະຖຽນລະພາບໃນແຫຼມເກົາຫຼີ, ແກ້ໄຂບັນດາບັນຫາດ້ວຍສັນຕິພາບຜ່ານການເຈລະຈາ ແລະ ທາບທາມ. ປັກກິງ ປາດຖະໜາວ່າ ບັນດາຝ່າຍທີ່ກ່ຽວຂ້ອງຈົ່ງສ້າງເງື່ອນໄຂສະດວກເພື່ອແນໃສ່ດຳເນີນການເຈລະຈາ 6 ຝ່າຍຄືນໃໝ່ໂດຍໄວ.