ທ່ານ ຫວາງອີ ລັດຖະມົນຕີກະຊວງການຕ່າງປະເທດ ຈີນ ແລະ ທ່ານນາງ Wendy Sherman ຮອງລັດຖະມົນຕີກະຊວງການຕ່າງປະເທດ ອາເມລິກາ (ພາບ: AP)

ທ່ານ ຫວາງອີ ລັດຖະມົນຕີກະຊວງການຕ່າງປະເທດ ຈີນ ແລະ ທ່ານນາງ Wendy Sherman ຮອງລັດຖະມົນຕີກະຊວງການຕ່າງປະເທດ ອາເມລິກາ ພວມມີການຢ້ຽມຢາມ ຈີນ ໄດ້ເຂົ້າຮ່ວມການໂອ້ລົມສົນທະນາ ໃນວັນທີ 26 ກໍລະກົດ ຢູ່ນະຄອນ ຕຽນຈິນ ທີ່ການພົບປະ, ທ່ານ ຫວາງອີ ໄດ້ຢັ້ງຢືນການພົວພັນ ຈີນ - ອາເມລິກາ ພວມປະສົບກັບຄວາມຫຍຸ້ງຍາກນາໆປະການຢ່າງຮ້າຍແຮງ, ການພົວພັນລະຫວ່າງສອງຝ່າຍໃນໄລຍະຈະມາເຖິງ ສືບຕໍ່ພັດທະນາຕາມທິດປັບປຸງ ຫຼື ສືບຕໍ່ສູ້ຢັນກັນ ແມ່ນຈະອີງໃສ່ ເລື່ອງ ອາເມລິກາມີການສັງເກດຢ່າງເຂັ້ມງວດ, ຍົກອອກບັນດາການຄັດເລືອກທີ່ຖືກຕ້ອງ ຫຼື ບໍ່. ທ່ານລັດຖະມົນຕີກະຊວງການຕ່າງປະເທດ ຈີນ ເນັ້ນໜັກເຖິງການພັດທະນາຂອງ ຈີນ ບໍ່ແນໃສ່ກໍ່ຄວາມຫຍຸ້ງຍາກຫລືສິ່ງທ້າທາຍ ຕໍ່ ອາເມລິກາ ກໍ່ຄືແນໃສ່ປຽນແທນ ອາເມລິກາ.

ທ່ານ ລັດຖະມົນຕີກະຊວງການຕ່າງປະເທດ ຈີນ ຫວາງອີ ກໍ່ຍົກອອກ 3 ຂໍ້ຮຽກຮ້ອງຂອງ ປະເທດນີ້ ເພື່ອແນໃສ່ຄວບຄຸມບັນດາຄວາມບໍ່ລົງລອຍກັນລະຫວ່າງສອງຝ່າຍ ໃຫ້ເປັນຢ່າງດີ, ສະກັດກັ້ນການພົວພັນລະຫວ່າງ ຈີນ ແລະ ອາເມລິກາ ຖືກຫຼຸດໜ້ອຍຖອຍລົງ ລວມມີ: ອາເມລິກາບໍ່ໄດ້ ກໍ່ຄວາມຫຍຸ້ງຍາກຫລືສິ່ງທ້າທາຍ, ທຳລາຍ ຫຼືມີເຈດຕະນາ ປ່ຽນແປງລະບອບ ແລະ ເສັ້ນທາງສັງຄົມນິຍົມທີ່ພົ້ນເດັ່ນ ຂອງ ຈີນ, ອາເມລິກາ ບໍ່ມີ ເຈດຕະນາສະກັດກັ້ນ ຫຼື ກີດຂວາງຕໍ່ການພັດທະນາຂອງ ຈີນ ແລະ ສຸດທ້າຍແມ່ນ ອາເມລິກາ ບໍ່ໄດ້ລ່ວງລ້ຳອະທິປະໄຕແຫ່ງຊາດ ຂອງ ຈີນ ກໍ່ຄືທຳລາຍຜືນແຜ່ນດິນອັນຄົບຖ້ວນຂອງປະເທດນີ້.