(vovworld) - ​ ວັນ​ທີ 29/11 ຍີ່ປຸ່ນ ​ແລະ ຈີນ ​ໄດ້​ເຫັນ​ດີ​ເປັນ​ເອກະ​ພາບ​ຮ່ວມ​ມື​ຊຸກຍູ້​ການ​ພົບ​ປະສຸ​ດຍອດ 3 ຝ່າຍ​ກັບ ສ.​ເກົາຫຼີ, ​ໂດຍ​ບໍ່​ຫົວຊາຕໍ່​ເຫ​ດການ​ສັບສົນດ້ານ​ການ​ເມືອງ​ພວມ​ເກີດ​ຂຶ້ນຢູ່ ​ເຊີ​ອູ​ນ. ​ຖະ​ແຫຼ​ງການ​ນີ້ ​ໄດ​້ຍົກ​ອອກ​ພາຍຫລັງ​ການ​ພົບ​ປະລະ​ຫວ່າງ​ທ່ານ Takeo Akiba ຮອງ​ລັດຖະມົນຕີ​ການ​ຕ່າງປະ​ເທດ ຍີ່ປຸ່ນ ​ແລະ ທ່ານ ຫວາງ​ອີ ລັດ​ຖະມົນຕີ​ການ​ຕ່າງປະ​ເທດ ຈີນ ພ້ອມ​ກັບ​ບັນດາ​ເຈົ້າ​ໜ້າ​ທີ່​ການ​ທູດ​ຂັ້ນ​ສູງອື່ນໆ​ຢູ່​ນະຄອນຫລວງ ປັກ​ກີ​ງ ຂອງ ຈີນ. ​ເມື່ອ​ຕອບ​ສຳພາດ​ຕໍ່​ວົງ​ການ​ນັກ​ຂ່າວ​ພາຍຫລັງ​ການ​ພົບ​ປະດັ່ງກ່າວ, ທ່ານ Akiba ​ແຈ້ງ​ໃຫ້ຊາບ​ວ່າ: ກ່ຽວຂ້ອງ​ເຖິງ​ກອງ​ປະຊຸມ​ລະຫວ່າງ 3 ຝ່າຍ, ພວກ​ຂ້າພະ​ເຈົ້າ​ຈະ​ສືບ​ຕໍ່​ສົມທົບ​ກັນ. ນອກ​ນັ້ນ ທ່ານ Akiba ​ໃຫ້​ຮູ້​ວ່າ: ທ່ານ​ໄດ້​ປຶກສາ​ຫາລື​ກັບ​ຜູ້​ຊ່ວຍວຽກ​ຂອງ​ລັດຖະມົນຕີ​ການ​ຕ່າງປະ​ເທດ ຈີນ ຄຸງ​ຊ້ວຽນ​ເຢົາ ກ່ຽວ​ກັບບັນດາ​ບັນຫາ 2 ຝ່າຍເກືອບທັງ​ໝົດ​ກໍ່​ຄື​ພາກ​ພື້ນ, ລວມທັງມີ ສປປ.​ເກົາຫຼີ.