(vovworld) - ວັນ​ທີ 21/01, ​ໃນ​ການ​ໂອ້​ລົມ​ທາງ​ໂທລະສັບ, ທ່ານ​ນາຍົກລັດຖະມົນຕີ ຈີນ ຫຼີ​ເຄິ້ສຽງ ​ແລະ ທ່ານ​ນາງ​ນາຍົກລັດຖະມົນຕີ ​ເຢຍລະ​ມັນ Angela Merkel ​​ໄດ້ເຫັນ​ດີ​ເປັນ​ເອກະ​ພາບ​ເພີ່ມ​ທະວີ​ການ​ພົວພັນ 2 ຝ່າຍ, ທ່ານ​ນາຍົກລັດຖະມົນຕີ ຫຼີ​ເຄິ້ສຽງ ຕີ​ລາຄາ​ສູງບັນດາ​ຄວາມ​ຄືບ​ໜ້າ​ທີ່ບັນລຸ​ໄດ້​ໃນ​ການ​ເພີ່ມ​ທະວີ​ການ​ພົວພັນ​ລະຫວ່າງ ຈີນ ​ແລະ ​ເຢຍລະ​ມັນ ​ໃນ​ປີ 2015. ທ່ານ​ເນັ້ນ​ໜັກ​ວ່າ 2 ປະ​ເທດ​ຄວນ​ສືບ​ຕໍ່​​ການ​ແລກປ່ຽນ​ຄະນະ​ຜູ້​ແທນ​ຂັ້ນ​ສູງ ​ແລະ ​ເພີ່ມ​ທະວີ​ການ​ຮ່ວມ​ມື​ໃນ​ຫລາຍ​ຂົງ​ເຂດ​ຢ່າງ​ແທດ​ຈິງ. ​ແລະ​ກໍ່ຕາມ​ທ່ານນາຍົກລັດຖະມົນຕີ ຫຼີ​ເຄິ້ສຽງ ​ແລ້ວ, 2 ປະ​ເທດ​ຈະ​ສືບ​ຕໍ່​ສົມທົບ​ກັນ ​ແລະ ຮ່ວມ​ມື​ກັນຢ່າງ​ແໜ້ນ​ແຟ້ນ​ໃນ​ບັນ​ດາ​ບັນຫາ​ສາກົນ. ທ່ານ ຫຼີ​ເຄິ້ສຽງ ຖື​ວ່າ: ຮອບ​ທາ​ບທາມ​ຄຳ​ເຫັນ​ລະຫວ່າງ​ລັດຖະບານ​ຄັ້ງ​ທີ 4 ລະຫວ່າງ ຈີນ ​ແລະ ​ເຢຍລະ​ມັນ ດຳ​ເນີນ​ໃນ​ປີ​ນີ້ ຈະ​ຊຸກຍູ້​ການ​ພົວພັນ​ຮ່ວມ​ມື 2 ຝ່າຍ​ກ່ວາ​ອີກ. ສ່ວນ​ທ່ານ​ນາງ​ນາຍົກລັດຖະມົນຕີ Angela Merkel ​ໃຫ້​ຮູ້​ວ່າ: ທ່ານ​ກໍ່​ເຫັນ​ດີ​ຕໍ່​ບັນດາ​ຄວາມ​ຄື​ບໜ້າ​ພົ້ນ​​ເດັ່ນ ຊຶ່ງ​ບັນລຸ​ໄດ້​ໃນ​ການ​ພົວພັນ 2 ຝ່າຍ ​ແລະ ວິວັດ​ການ​ຮ່ວມ​ມື​ໃນ​ຫລາຍ​ຂົງ​ເຂດ​ລະຫວ່າງ 2 ປະ​ເທດ​ໃນ​ໄລຍະ​ຜ່ານ​ມາ. ​