ຊຸດດັດຊະນີນະວັດຕະກຳຂັ້ນທ້ອງຖິ່ນ (PII 2024) ຈະໄດ້ຮັບການປະກາດ. PII ແມ່ນຊຸດດັດຊະນີສະໜອງສະພາບການລວມຂອງຮູບແບບການພັດທະນາເສດຖະກິດ ສັງຄົມ ໂດຍອີງຕາມວິທະຍາສາດເຕັກໂນໂລຢີ ແລະ ນະວັດຕະກຳ ຂອງແຕ່ລະທ້ອງຖິ່ນ. ຊີ້ໃຫ້ເຫັນຢ່າງຈະແຈ້ງບັນດາຈຸດດີ, ຈຸດອ່ອນ, ບັນດາປັດໄຈທີ່ມີຄວາມສາມາດບົ່ມຊ້ອນ ແລະ ເງື່ອນໄຂທີ່ຈຳເປັນເພື່ອຊຸກຍູ້ການພັດທະນາເສດຖະກິດ ສັງຄົມ. ທ່ານ ຫງວຽນຮ່ວາງຢາງ, ຮອງຫົວໜ້າຫ້ອງ ການກະຊວງວິທະຍາສາດ ແລະ ເຕັກໂນໂລຢີໃຫ້ຮູ້ວ່າ:

ກະຊວງໄດ້ປະຕິບັດບົດບາດເປັນອົງການຕິດຕາມກ່ຽວກັບຊຸດດັດຊະນີນະວັດຕະກຳ ທົ່ວໂລກ. ປີ 2024, ຫວຽດນາມ ຈັດຢູ່ອັນດັບທີ 44 ໃນຈຳນວນ 133 ປະເທດ ແລະ ພື້ນຖານເສດຖະກິດ, ຫຍັບຂຶ້ນ 2 ອັນດັບເມື່ອທຽບໃສ່ກັບປີ 2023, ສືບຕໍ່ຢືນຢູ່ອັນດັບທີ 2 ໃນກຸ່ມບັນດາປະເທດມີລາຍຮັບປານກາງຕ່ຳ. ກ່ຽວກັບຊຸດດັດຊະນີນະວັດຕະກຳຂັ້ນທ້ອງຖິ່ນປີນີ້. ກະຊວງໄດ້ປະກາດໃຊ້ກອບດັດຊະນີນະວັດຕະກຳຂັ້ນທ້ອງຖິ່ນ ແລະ ຊຸດເອກະສານແນະນຳໃຫ້ບັນດາທ້ອງຖິ່ນກ່ຽວກັບ PII ປີ2024, ຈັດຕັ້ງກອງປະຊຸມສຳມະນາແນະນຳການເກັບກຳ ແລະ ສະໜອງຂໍ້ມູນຂັ້ນຮາກຖານ, ເອກະສານຢັ້ງຢືນຮັບໃຊ້ການຄິດໄລ່ ຊຸດດັດຊະນີ PII ປີ 2024.