ຍ້ອນວິກິດການເສດຖະກິດ ຢູ່ ຕູຍນີຊີ ໄດ້ເຮັດໃຫ້ປະຊາຊົນຫລາຍຄົນຢູ່ປະເທດນີ້ຊອກຫາວິທີທາງເພື່ອເດີນທາງເຖິງ ອີຕາລີ. ວັນທີ 15 ສິງຫາ, ທ່ານນາງ Luciana Lamorgese ລັດຖະມົນຕີກະຊວງພາຍໃນ ອີຕາລີ ໃຫ້ຮູ້ວ່າ: ນັບແຕ່ເດືອນສິງຫາປີ 2019 ຮອດທ້າຍເດືອນກໍລະກົດປີນີ້ ມີຊາວອົບພະຍົບ 21.618 ຄົນໄດ້ໄປເຖິງອີຕາລີ, ເພີ່ມຂຶ້ນ 148,7% ເມື່ອທຽບໃສ່ໄລຍະດຽວກັນຂອງປີກາຍ. 80% ຈຳນວນຊາວອົບພະຍົບໄປເຖິງ ອີຕາລີ ແມ່ນເດີນທາງມາຈາກ ຕູຍນີຊີ ແລະ ລີບີ. ແລະຕາມແຫລ່ງຂ່າວຈາກກະຊວງດັ່ງກ່າວແລ້ວ, ໃນປີ ຜ່ານມາ ມີຊາວອົບພະຍົບ ກວ່າ 5000 ຄົນ ໄດ້ຮັບການກູ້ເອົາຊີວິດບົນທະເລ ແລະ ສ່ວນຫລາຍແມ່ນຈາກບັນດາກຳປັ່ນຂອງບັນດາອົງການບໍ່ຂຶ້ນກັບລັດຖະບານ(NGO).