ໃນຂອບເຂດການຢ້ຽມຢາມ ແລະ ເຮັດວຽກຢູ່ ເຢຍລະມັນ ຕາມຄໍາເຊີນຂອງທ່ານ Perter Almaier, ລັດຖະມົນຕີກະຊວງເສດຖະກິດ ແລະ ພະລັງງານ ເຢຍລະມັນ, ທ່ານ ຫງວຽນຈີ໊ຢຸງ ລັດຖະມົນຕີກະຊວງແຜນການ ແລະ ການລົງທຶນຫວຽດນາມ ໄດ້ເດີນທາງໄປຢ້ຽມຢາມ ແລະ ຊອກຮູ້ກ່ຽວກັບການເຄື່ອນໄຫວຂອງບໍລິສັດຈໍານວນໜຶ່ງທີ່ເຄື່ອນໄຫວໃນຂົງເຂດເຕັກໂນໂລຢີຂອງ ເຢຍລະມັນ,ໃນນັ້ນ ມີບໍລິສັດຜະລິດ ຕວກບິນ ອາຍແກັດ ສັງກັດກຸ່ມບໍລິສັດ Siemens, ບໍລິສັດຊອບແວ SAP  ແລະ ສະຖາບັນຄົ້ນຄວ້າໂປແກຼມ Fraunhofer.

ທ່ານລັດຖະມົນຕີ ຫງວຽນຈີ໊ຢຸງຢ້ຽມຢາມບັນດາກຸ່ມບໍລິສັດແຖວໜ້າຂອງ ເຢຍລະມັນ (ພາບ: TTXVN)

        ໃນຂອບເຂດການຢ້ຽມຢາມ, ທ່ານລັດຖະມົນຕີ ຫງວຽນຈີ໊ຢຸງ  ພ້ອມດ້ວຍຄະນະປະຕິບັດງານຂອງກະຊວງແຜນການ ແລະ ການລົງທຶນ ໄດ້ສຸມໃສ່ຊອກຮູ້ກ່ຽວກັບບັນດາການເຄື່ອນໄຫວ, ວຽກງານຄົ້ນຄວ້າດ້ານວິທະຍາສາດ, ປ່ຽນແປງໃໝ່ເຕັກໂນໂລຢີ ກໍຄືການບໍາລຸງສ້າງຊັບພະຍາກອນມະນຸດຂອງບັນດາກຸ່ມບໍລິສັດ, ບໍລິສັດແຖວໜ້າຂອງ ເຢຍລະມັນ.

        ເມື່ອແລກປ່ຽນກັບການນໍາບັນດາກຸ່ມບໍລິສັດ, ບໍລິສັດ  ທີ່ໄປຢ້ຽມຢາມ, ທ່ານລັດຖະມົນຕີ ຫງວຽນຈີ໊ຢຸງ ສະແດງຄວາມປາດຖະໜາວ່າ ບັນດາກຸ່ມບໍລິສັດດັ່ງກ່າວ ຈະເອົາໃຈໃສ່ ແລະ ເຂົ້າມາລົງທຶນຢູ່ຕະຫຼາດຫວຽດນາມ ຫຼາຍກວ່າອີກ ຄື ກໍ່ສ້າງບັນໂຮງງານຜະລິດແຜ່ນຖ່ານພະລັງງານແສງຕາເວັນ, ຕວກບິນພະລັງງານໄຟຟ້າແຮງລົມ, ສ້າງບັນດາສູນຄົ້ນຄວ້າ, ທົດລອງເຕັກໂນໂລຢີໃໝ່, ພິເສດແມ່ນການຮ່ວມມືກັບສູນປ່ຽນແປງໃໝ່ການປະດິດຄິດສ້າງຂອງຫວຽດນາມ ທີ່ຕັ້ງຢູ່ເຂດເຕັກໂນໂລຢີສູງ ຮວ່າລາກ ໂດຍກະຊວງແຜນການ ແລະ ການລົງທຶນຮັບຜິດຊອບ.

        ການນໍາບັນດາກຸ່ມບໍລິສັດດັ່ງກ່າວ ລ້ວນແຕ່ສະແດງຄວາມສົນໃຈເປັນພິເສດເຖິງຕະຫຼາດຫວຽດນາມ, ໂດຍໃຫ້ຮູ້ວ່າ ເຂົາເຈົ້າໄດ້ມີບັນດາບາດກ້າວເດີນລະອຽດໃນອະດີດ, ປັດຈຸບັນ ແລະ ອະນາຄົດ ເພື່ອຊຸກຍູ້ການຮ່ວມມື, ລົງທຶນເຕັກໂນໂລຢີລະຫວ່າງສອງປະເທດໃຫ້ຫຼາຍກວ່າອີກ.