ພິທີລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືລະຫວ່າງ ຄະນະກຳມະການປະຊາຊົນນະຄອນ ໂຮ່ຈີມິນ ແລະ ນະຄອນຫຼວງ ວຽງຈັນ ໄລຍະ 2021 – 2025 (ພາບ: TTXVN)

ວັນທີ 15 ຕຸລາ, ຢູ່ນະຄອນ ໂຮ່ຈີມິນ, ທ່ານ ຫງວຽນວັນເນັນ, ເລຂາຄະນະພັກນະຄອນ ໂຮ່ຈີມິນ ໄດ້ໂອ້ລົມສົນທະນາແບບທາງໄກກັບ ທ່ານອານຸພາບ ຕຸນາລົມ, ເລຂາຄະນະພັກ, ປະທານສະພາປະຊາຊົນນະຄອນຫຼວງ ວຽງຈັນ, ລາວ ແລະ ເປັນສັກຂີພິຍານພິທີລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືລະຫວ່າງຄະນະກຳມະການປະຊາຊົນນະຄອນ ໂຮ່ຈີມິນ ກັບ ອຳນາດການປົກຄອງ ນະຄອນຫຼວງ ວຽງຈັນ ໄລຍະ 2021 – 2025.

        ທີ່ພິທີ, ທ່ານ ຫງວຽນວັນເນັນ ເນັ້ນໜັກວ່າ ນະຄອນ ໂຮ່ຈີມິນ ຍາມໃດກໍ່ສ້າງເງື່ອນໄຂດີທີ່ສຸດເພື່ອຊຸກຍູ້ການຮ່ວມມືໃນການແລກປ່ຽນບົດຮຽນປະສົມການ ແລະ ຍົກສູງລະດັບ ໂດຍສະເພາະແມ່ນໃນຂົງເຂດການສຶກສາ - ບຳລຸງສ້າງ, ວິທະຍາສາດ, ເຕັກໂນໂລຢີ, ການເງິນ; ສືບຕໍ່ໃຫ້ທຶນການສຶກສາ ແລະ ບຳລຸງສ້າງວິຊາຊີບໃຫ້ແກ່ພະນັກງານ, ປະຊາຊົນ ວຽງຈັນ ມາຮຽນຢູ່ ນະຄອນໂຮ່ຈີມິນ; ໜູນຊ່ວຍນະຄອນຫຼວງ ວຽງຈັນ ປະຕິບັດລາຍການກໍ່ສ້າງອຳນາດການປົກຄອງເອເລັກໂຕນິກ; ຊຸກຍູ້ການຄ້າ, ການລົງທຶນ… ເນື່ອງໃນໂອກາດນີ້, ສອງທ່ານກໍໄດ້ເປັນສັກຂີພິຍານພິທີລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືລະຫວ່າງ ຄະນະກຳມະການປະຊາຊົນນະຄອນ ໂຮ່ຈີມິນ ແລະ ນະຄອນຫຼວງ ວຽງຈັນ ໄລຍະ 2021 – 2025. ບໍລິສັດໃຫຍ່ ທ່ອງທ່ຽວ ໄຊງ່ອນ ໄດ້ມອບທຶນການສຶກສາ 5 ທຶນ ມີມູນຄ່າ 1,5 ຕື້ດົ່ງໃຫ້ແກ່ ນະຄອນຫຼວງ ວຽງຈັນ.