ການພົບປະເຈລະຈາທາງໄກ ລະຫວ່າງ ຄະນະພັກນະຄອນ ຮ່າໂນ້ຍ  ແລະ ຄະນະພັກນະຄອນ ວຽງຈັນ

ແລກປ່ຽນກ່ຽວກັບການກຳນົດທິດການຮ່ວມມື ລະຫວ່າງສອງນະຄອນຫຼວງ ໃນໄລຍະຈະມາເຖິງ, ທ່ານ ດິງຕຽນຢຸງ ສະເໜີໃຫ້ສອງຝ່າຍສືບຕໍ່ເພີ່ມທະວີການພົບປະ, ແລກປ່ຽນພົວພັນລະຫວ່າງ 2 ຝ່າຍຢູ່ທຸກຂັ້ນ, ສຸມໃສ່ຍູ້ແຮງການຮ່ວມມືໃນບັນດາຂົງເຂດຄືກະສິກຳ, ການສຶກສາບຳລຸງສ້າງແຫຼ່ງຊັບພະຍາກອນມະນຸດ, ຍຸຕິທຳ, ແຮງງານ - ສະຫວັດດີການ ແລະ ສັງຄົມ. ສອງນະຄອນ ກໍ່ຄົ້ນຄ້ວາ ຜັນຂະຫຍາຍມາດຕະການຊຸກຍູ້ ການຮ່ວມມືລົງທຶນ, ການຄ້າ, ຊຸກຍູ້ການພົວພັນແລກປ່ຽນປະຊາຊົນ, ເພີ່ມທະວີຄວາມເຂົ້າໃຈເຊິ່ງກັນແລະກັນ ແລະ ປັບປຸງນ້ຳໃຈມິດຕະພາບ, ຄົ້ນຄ້ວາ ແລະ ພິຈາລະນະປະຕິບັດການລົງນາມບົດບັນທຶກຊ່ວຍຈຳກ່ຽວກັບການຮ່ວມມືສອງຝ່າຍໃນໄລຍະໃໝ່ ຊຶ່ງເປັນພື້ນຖານໃຫ້ແກ່ການເຄື່ອນໄຫວຮ່ວມມືລະຫວ່າງສອງນະຄອນໃນໄລຍະຈະມາເຖິງ.

ສ່ວນທ່ານ ອະນຸພາບ ຕຸລາລົມ ກໍ່ປາດຖະໜາຢາກໃຫ້ນະຄອນຫຼວງສອງປະເທດ ພ້ອມກັນຄົ້ນຄ້ວາ, ສ້າງສູນການຄ້າ, ການທ່ອງທ່ຽວ, ເລືອກເອົາບັນດາວິສາຫະກິດ ສອງ 2 ຝ່າຍເປັນພົວແທນພົບປະກັນ, ແລກປ່ຽນເຈລະຈາຊຸກຍູ້ການຮ່ວມມືຄ້າຂາຍ, ການທ່ອງທ່ຽວ, ການນຳນະຄອນຫຼວງຮ່າໂນ້ຍ ສືບຕໍ່ສະໜັບສະໜູນ ບັນດາໂຄງການຮ່ວມມືທີ່ມີປະສິດທິຜົນແລ້ວ ຄືໂຄງການກ່ຽວກັບກະສິກຳ, ສະໜັບສະໜູນການຮ່ວມມືລະຫວ່າງພະແນກແຮງງານ ຂອງ 2 ນະຄອນຫຼວງໃນໂຄງການຊ່ວຍເຫຼືອກໍ່ສ້າງອາຄານສັງຄົມ ຢູ່ ນະຄອນຫຼວງ ວຽງຈັນ…