ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ທ່ານ Cyril Ramaphosa, ປະທານາທິບໍດີ ອາຟຣີກາ ໃຕ້ ຢູ່ນອກກອງປະຊຸມ G7 (ພາບ: Thống Nhất/TTXVN

ໃນໄລຍະຜ່ານມາ, ການພົວພັນ ຫວຽດນາມ - ອາຟຣີກາ ໃຕ້ ສືບຕໍ່ພັດທະນາອັນດີງາມດ້ວຍການແລກປ່ຽນຄະນະຜູ້ແທນທຸກຂັ້ນເປັນປະຈຳ, ສ້າງທ່ວງທ່າໃຫ້ແກ່ການພົວພັນ ລະຫວ່າງ 2 ປະເທດກ້າວເຂົ້າສູ່ລວງເລິກ, ແທດຈິງ ແລະ ມີດປະສິດທິຜົນ. ທ່ານ ຫວູວັນຢູ້ງ, ເອກອັກຄະລັດຖະທູດ ຫວຽດນາມ ປະຈຳ ອາຟຣີກາ ໃຕ້ ເນັ້ນໜັກເຖິງການພົບປະຂັ້ນສູງລະຫວ່າງທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ທ່ານ Cyril Ramaphosa, ປະທານາທິບໍດີ ອາຟຣີກາ ໃຕ້ ຢູ່ນອກກອງປະຊຸມກຸ່ມບັນດາພື້ນຖານເສດຖະກິດພັດທະນາ G7 ຫວ່າງແລ້ວນີ້ຢູ່ການາດາ, ໃນນັ້ນ, ສອງຝ່າຍໄດ້ແລກປ່ຽນບັນດາມາດຕະການເປີດກ້ວາງການຮ່ວມມື, ພິເສດແມ່ນໃນຂົງເຂດເສດຖະກິດ, ການຄ້າ ແລະ ການລົງທຶນ.

        ກ່ຽວກັບການເຄື່ອນໄຫວຂອງສະຖານທູດ ຫວຽດນາມ ປະຈຳ ອາຟຣີກາໃຕ້ ໃນປີ 2018, ທ່ານເອກອັກຄະລັດຖະທູດ ຫວູວັນຢູ້ງ ໃຫ້ຮູ້ວ່າ: ປີນີ້ເປັນຂີດໝາຍ 25 ປີແຫ່ງວັນສ້າງຕັ້ງການພົວພັນ ຫວຽດນາມ - ອາຟຣີກາ ໃຕ້ (22/12/1993 – 22/12/2018), ສະຖານທູດພວມຈັດຕັ້ງບັນດາການເຄື່ອນໄຫວສະເຫຼີມສະຫຼອງເຫດການສຳຄັນນີ້ຄື: ວາງສະແດງພາບສີຂັດມັນແນະນຳກ່ຽວກັບປະເທດ, ປະຊາຊົນ ຫວຽດນາມ; ເຂົ້າຮ່ວມງານຕະຫຼາດນັດການຄ້າສາກົນ ອາຟຣີກາ ໃຕ້ SAITEX ແລະ ດຳເນີນກອງປະຊຸມສຳມະນາສົ່ງເສີມການຄ້າຢູ່ບັນດານະຄອນຄື: Johannesburg  ແລະ Cape Town.