ເຮັດແບັງໄຢທີ່ຫອມ, ແຊບ ແລະ ງາມຕາ (ພາບ: Quý Trung/ TTXVN)

ຊຸມວັນວັດທະນະທຳບັນດາຊົນເຜົ່າຫວຽດນາມປີ 2022 ຈະຈັດຂຶ້ນຢູ່ບ້ານວັດທະນະທຳ-ທ່ອງທ່ຽວບັນດາຊົນເຜົ່າຫວຽດນາມ (ເຊີນໄຕ-ຮ່າໂນ້ຍ) ແຕ່ວັນທີ 16-19 ເມສາ ດ້ວຍບັນດາການເຄື່ອນໄຫວພິເສດສະເພາະ; ສະແດງບັນດາງານບຸນ, ຮີດຄອງປະເພນີອັນດີງາມຂອງ ປຊຊ ບັນດາຊົນເຜົ່າ.

ຊຸມວັນວັດທະນະທຳບັນດາຊົນເຜົ່າຫວຽດນາມປີ 2022 ລວມມີບັນດາການເຄື່ອນໄຫວຕົ້ນຕໍຄື: ເວທີປາໄສວັດທະນະທຳດ້ວຍຫົວເລື່ອງ “ເສີມຂະຫຍາຍມູນເຊື້ອວັດທະນະທຳບັນດາຊົນເຜົ່າ ໃນການສ້າງສະພາບແວດລ້ອມແຫ່ງວັດທະນະທຳ”; ການພົບປະລະຫວ່າງບັນດານັກສິລະປະກອນ ຜູ້ທີໄດ້ປະກອບສ່ວນຫຼາຍຢ່າງໃນການອະນຸລັກຮັກສາ, ເສີມຂະຫຍາຍມູນເຊື້ອວັດທະນະທຳບັນດາຊົນເຜົ່າ; ງານວາງສະແດງ “ບົວໃນຊີວິດວັດທະນະທຳຫວຽດນາມ”… ນອກຈາກນັ້ນ ກໍ່ໄດ້ຈັດບັນດາສງານບຸນ, ຮີດຄອງປະເພນີຕ່າງໆ ຂອງບັນດາຊົນເຜົ່າອີກດ້ວຍ.

ຊຸມວັນວັດທະນະທຳບັນດາຊົນເຜົ່າຫວຽດນາມ ໄດ້ຈັດຂຶ້ນເປັນປະຈຳປີ ເພື່ອແນໃສ່ຍົກສູງສະຕິຄວາມຮັບຮູ້, ຄວາມຮັບຜິດຊອບຂອງທົ່ວລະບົບການເມືອງ ແລະ ປຊຊ ທຸກຊັ້ນຄົນ ໃນວຽກງານອະນຸລັກຮັກສາ, ເສີມຂະຫຍາຍສີສັນວັດທະນະທຳປະຊາຄົມ 54 ຊົນເຜົ່າຫວຽດນາມ.